Háir vextir bjarga heimilum

Háir vextir styrkja krónuna gagnvart erlendri mynt sem aftur lækkar verðbólguna og þar með lækka bæði myntkörfulán og verðtryggð lán í íslenskum krónum. Háir vextir þjóna einnig því hlutverki að takmarka umsvif fyrirtækja en eins og alþjóð veit hafa íslensk fyrirtæki verið á fjárfestingafyllerí um árabil.

Háir vextir verðlauna þá sem eiga peninga á bankareikningum. Háir vextir eru hraðnámskeið fyrir skuldara. 

Háir vextir bjarga heimilunum.

14 þúsund heimili eiga bara skuldir

Athugasemdir

[skrypill (IP-tala skráð) 10.3.2009 kl. 22:16]

Skapa háir vextir ekki líka meira atvinnuleysi ?

Ekki bjargar það heimilun eða hvað ?

Það breytir kanski engu.

Maður er hugsi eftir 3 atvinnuleisisbóta mánuði.

[Koppur (IP-tala skráð) 11.3.2009 kl. 00:55]

Páll ég geri ráð fyrir að þú eigir summu á verðtryggðum innláns vöxtum.

[nonni (IP-tala skráð) 11.3.2009 kl. 10:04]

Páll sýnir hér eins og hann hefur sýnt oft á blogginu sínu að hann veit lítið um hagfræði.

[Tómas Ibsen Halldórsson, 11.3.2009 kl. 13:12]

Athyglisver greining Páll, ég er samt á móti því vaxtaoki sem við búum við í dag.  En greiningin er góð, hún er sannanlega athyglisverð.

Bestu kveðjur,

[P.Valdimar Guðjónsson, 11.3.2009 kl. 16:50]

Þetta var hugmyndin upphaflega, því það er orðið býsna langt síðan vaxtahækkunar okrið hófst.        

Beit hinsvegar nákvæmlega ekkert lengi vel, því fyrirtækin og skuldsettu heimilin skiptu med di samme yfir í erlend lán sem voru um allt á útsölu.  Þannig var fylleríið framlengt alltof lengi.

Krabbameinið eru krónubréfin.  Þau þarf að losna við og henda útí hafsauga til að endurreisn geti hafist  án slagsíðu.

Háir vextir í dag, í últra heimskreppu eru hinsvegar útí hött.   En þeir fóru í raun ekki að virka á verðbólguna fyrr en gjaldeyrishöft voru staðreynd.

[Doddi D (IP-tala skráð) 11.3.2009 kl. 17:02]

Þetta er ágætis greining í anda hefðarinnar undanfarin ár. Það er að segja að lýsa flóknu kerfi sem þríliðu: Ef K er konstant og þú hækkar x, þá lækkar y. Slík dólgahagfræði setti okkur á hausinn.

Mikið hljóta allir hagfræðingar heimsins að vera heimskir að mæla með 0% vöxtum. Alls staðar í kringum okkur fara menn þá leið. Hvernig á að vera hægt að greiða há vexti í efnahagsamdrætti?

Nei, háir vextir mun greiða okkur náðarhöggið. Við erum að greiða eigendum krónubréfa ca. 5 milljarða á mánuði í vexti. 

Og svo allt hitt. Ekki má heldur gleyma því að verið er að láta skuldara ábyrgjast innistæður þeirra sem áttu peninga í gjaldþrota bönkum eða peningamarkaðssjóðum. Eru það ekki verstu skussar sem láta peninga inná bók hjá banka með þúsund punkta álag hjá matsfyrirtækjum?

[Páll A. Þorgeirsson (IP-tala skráð) 11.3.2009 kl. 17:57]

Sæll nafni

....nú held ég að þú takir ekki allt með í þessar vaxtahugleiðingar og sért nánast einn í heimi með þetta.  Gaman verður að telja þá sem undir þín orð taka, kannski duga 2 x 9  fingur forseta    en sennilega er einhver hópur eftir sem "græðir" ennþá á þessu vaxtaokri, eða telur sig vera að "græða".

[Páll Vilhjálmsson, 11.3.2009 kl. 18:27]

Sælir allir

Jú, eins og flestir skulda ég og borga af vísitölutryggðum lánum sem hafa hækkað. Ég á líka nokkrar krónur í banka, svona eins og hversdagslegir launamenn geta nurlað saman, en þær eru heldur færri en þær sem ég skulda. Ég á hálfa húseign þannig að nettóniðurstaðan væri jákvæð, yrði ég gerður upp. Trúlega er þorri landsmanna í álíka stöðu, sumir í miklu betri en því miður aðrir í mun síðri.

Punkturinn með vexti er að þeir eru ekki ákveðnir upp úr þurru. Þeir verða til sem annars vegar fall af efnahagsstarfseminni og hins vegar hvernig seðlabankar heims lesa í stöðu efnahagsmála.

Við erum að horfa upp á skelfilegan mislestur á stöðu efnahagsmála og súpum seyðið af því - auk þess sem Íslendingar eru fórnarlamb græðisvæðingar svo til að að auka á eymd okkar.

Á meðan hjörðin harmar háa vexti getur verið áhugavert að líta öndvert á málin - pistillinn var tilraun til þess.