Óttar gleymdi Garðari

Svíar ollu Íslendingum löngum búsifjum og gera enn, eins og Óttar Guðmundsson rekur í pistli. Fjandskapur Svía byrjar fyrir landnám. Útsendari þeirra reyndi að festa landinu lítilmótlegt nafn sem engin ærleg þjóð gæti kennt sig við. Samkvæmt Landnámu

Maður hét Garðar Svavarsson, sænskur að ætt; hann fór að leita Snælands að tilvísan móður sinnar framsýnnar. Hann kom að landi fyrir austan Horn hið eystra; þar var þá höfn. Garðar sigldi umhverfis landið og vissi, að það var eyland.[...] Eftir það var landið kallað Garðarshólmur...

Svíar reyndu í öndverðu að gera úr okkur Garðarshólmara. Svei þeim.

 

 

Athugasemdir

[Jóhannes Laxdal Baldvinsson, 23.4.2016 kl. 14:10]

Getur verið að Óttar sé að hæðast að viðbrögðum forsætisráðherra fyrrverandi og viðhlæjendum hans við afhjúpun ICIJ?  Þú sem blaðamaður hlýtur að fagna þessari afhjúpun sem allir fjölmiðlar í Evrópu eru uppteknir af þessa dagana. Ef ekki þá ertu kominn í hóp með þeim, sem fórnuðu trúverðugleikanum eins og til dæmis Útvarp Saga. Það er stór fórn fyrir rangan málstað

[Páll Vilhjálmsson, 23.4.2016 kl. 16:02]

Ég veit ekki ástæðu Óttars fyrir pistlinum. Mín ástæða er að spinna sænska vefinn aftur fyrir landnám. Meira var það nú ekki.