Mannát, klám og sóðamorð á mbl.is

Þegar þetta er skrifað, kl. 9:12 föstudaginn 1. júní, eru tíu fréttir undir dálknum ,,erlent" á mbl.is Ein fréttin er um mannát, sbr. viðhengi þessa bloggs, önnur um barnungan strák sem horfði á klám og nauðgaði í framhaldi enn yngra stúlkubarni og sú þriðja segir af konu sem reyndi að skera undan fyrrum kærasta. Fjórða fréttin af sama toga er um eftirlýstan klámmyndaleikara  sem grunaður er um hryllilegt morð.

Ritstjórn erlendra frétta á mbl.is telur sem sagt að 40 prósent af fréttnæmustu tíðindum utan af heimi sé af tegundinni mannætumorðklámi.

Er ekki rétt að fullorðna fólkið á Morgunblaðinu kíki yfir öxlina á þeim sérstöku áhugamönnum um pervertisma sem skrifa erlendar fréttir á mbl.is?

Myrti og át herbergisfélaga sinn

Athugasemdir

[Ragnhildur Kolka, 1.6.2012 kl. 10:09]

Tek undir það, Páll, enda Pressan og DV fullfær um að svala þeirri þörf landsmanna.

[Anna Sigríður Guðmundsdóttir, 1.6.2012 kl. 10:09]

Það væri nær að skrifa eitthvað um verkföllin sem eru að lama allt í Noregi þessa dagana. En það er líklega of langt yfir hafið, fyrir raunveruleikafréttir utan úr heimi, jafnvel frá næstu nágrannalöndum Íslands.

Er ekki tölvu og tækiöld? Hvað er að þessum hámenntaða og "heimsins færasta" mannauði, sem svo oft er verið að monta sig af?

Þarf ekki að endurmennta frétta-liðið, til að rifja upp til hvers fréttir eiga í raun að vera? Hver hefur siðferðislegt geð í sér til að þjóna svona blekkingar-fréttamennsku, og vera þar með tannhjól í blekkingarvélinni pólitísku?

M.b.kv.

[Anna Sigríður Guðmundsdóttir, 1.6.2012 kl. 10:23]

Ætli Hillari Clinton og Störe verði ekki að hella uppá kaffikönnuna sjálf, ef þau eiga að fá kaffi í sinni heimsókn í Noregi núna, vegna verkfalla.

Gylfi Arnbjörnsson ætti að kynna sér hvernig þetta gengur fyrir sig. Hann myndi þá kannski átta sig að einhverju leyti á, til hvers hann á að vera í ASÍ. Annars er löngu tímabært að setja Vilhjálm Birgisson á Akranesi í starfið hans Gylfa.

Bendi fólki á að kíkja á  nrk.no.

M.b.kv.

[Elín Sigurðardóttir (IP-tala skráð) 1.6.2012 kl. 10:45]

Mig langar að leggja síðunni til tvö slagorð. Hið fyrra er: Stöndum með Ólafi, Össuri og Wen Jiabao. Hið síðara er: Ú á Grétu Salóme.

[Anna Sigríður Guðmundsdóttir, 1.6.2012 kl. 11:51]

Elín. Þetta skildi ég ekki hjá þér. Gætir þú útskýrt þetta betur fyrir mér?

Krefjumst upplýsandi og heiðarlegrar og siðferðislegrar frétta-fjölmiðlunar á tækni og menntaöldinni hér á Íslandi. Það er ekki til of mikils ætlast. Það er árið 2012 á 21. öldinni.

M.b.kv.

[DoctorE (IP-tala skráð) 1.6.2012 kl. 11:58]

"The Zombie Apocalypse", eru "heitustu" fréttirnar í dag.. og kannski ágætt að fólki sjái mögulega útkomu á að nota stórhættuleg eiturlyf.. því eru þetta fréttir

[Elín Sigurðardóttir (IP-tala skráð) 1.6.2012 kl. 12:01]

Menn keppast við að standa með Ólafi og Össuri en kvarta yfir því að Gréta ræði ekki mannréttindi á sviðinu í Baku. Hvað er ekki hægt að skilja?

http://www.dv.is/frettir/2012/4/20/island-og-kina-undirritudu-samstarfssamninga-um-nordurslod/

[Helgi Rúnar Jónsson (IP-tala skráð) 1.6.2012 kl. 13:39]

Já og ekki gleyma kindarigningunni í Ástralíu...en sennilega er þetta bara allt ríkisstjórninni að kenna...ekki satt..??

[Sólbjörg, 1.6.2012 kl. 20:06]

Hvað varst þú að borða Helgi Rúnar svo þú bullir svona?

Erlend fréttaumfjöllun mbl. er undarleg og óboðleg hvað þessi málefni varðar sem Páll bendir á - tek undir langar bara ekkert að lesa eða vita um slíkt óeðli eða veikindi fólks.

En ég furðaði mig ekki síður á fyrirsögninni á forðsíðu Fréttablaðsins í dag. Slegið er upp yfir alla forsíðuna með ekki fréttina: "Selja "islenskar" lopapeysur sem eru prjónaðar í Kína." . Vá hugsa sér!!...og hin fréttin er um námskeiðspróf leikonu. Spyr er með þessu háttalagi verið að leiða athyglina frá skelfilegri ríkistjórn sem með 13% stuðning eða slakri framistöðu Þóru frambjóðenda og dalandi fylgi hennar.

[Elín Sigurðardóttir (IP-tala skráð) 1.6.2012 kl. 20:46]

Vá hugsa sér. Nú eru bandarísk fyrirtæki hætt að reiða sig á ódýrt kínverskt vinnuafl því vinnuframlag bandarískra fanga gefur mun meira af sér.

http://daviddegraw.org/2011/08/fascism-in-america-the-american-legislative-exchange-council-prison-labor/

[Helgi (IP-tala skráð) 2.6.2012 kl. 14:06]

Á hvaða leið er mbl.is eiginlega? Á að elta ruslið á www.visir, www.dv.is og www.pressan.is? Og allir saman, vinsamlega vægið mér við fleiri ekkifréttum af slúðri um sukkskemmtanir smástirna á stuttpilsum.