Fimmtudagur, 14. janúar 2016
Núpari á Bessastaði
Jón Gnarr skáldaði upp nauðgunum og andlegum hryðjuverkum á Núpi í Dýrafirði til að auglýsa sjálfan sig sem sigurvegara.
Núparinn hótar þjóðinni að stefna á Bessastaði í sumar.
Við skjálfum á beinunum.
Jón Gnarr er til alls vís | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (5)
Fimmtudagur, 14. janúar 2016
Lögreglan vill ekki sjá skaufa - aðeins sköp
Lögreglan má ekki sjá getnaðarlim án þess að verða að gjalti. Samkvæmt öðrum fréttum er lögreglan full áköf að skoða sköp stúlkna.
Er ekki óþarfi af lögreglunni að auglýsa kerlingarlegu karlrembuna með dómsmáli?
Ekki lostugt að pissa fyrir framan lögreglumenn | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)
Fimmtudagur, 14. janúar 2016
Lág verðbólga - krónan besti gjaldmiðillinn
Krónan er besti gjaldmiðillinn fyrir Ísland. Hún tryggði okkur viðspyrnu úr kreppu og í framhaldi lága verðbólgu.
Tal um nauðsyn þessa að taka upp annan gjaldmiðil er hjáróma þegar reynslan sýnir ótvírætt fram á kosti krónunnar.
Það eru ekki gjaldmiðlar sem slíkir sem ráða velsæld heldur peningamálastjórnun og ríkisfjármál. Og þar sem vinstriflokkarnir eru utan ríkisstjórnar eru þessu málefni í góðum höndum.
Tvisvar verið lægri á 60 árum | |
Tilkynna um óviðeigandi tengingu við frétt |
Fimmtudagur, 14. janúar 2016
Ónýtt utanríkisráðuneyti
Brjáluðustu hugmyndir íslenskra stjórnmála ýmist verða til eða eru fóstraðar í utanríkisráðuneytinu. Þar á bæ ætluðu menn að kaupa með mútum sæti fyrir Ísland í öryggisráðinu, borga Icesave og innlima Ísland í deyjandi ESB.
Síðasta ruglið úr ráðuneytinu er að hengja Ísland utan í hatursherferð gegn Rússlandi vegna stórveldadeilna um forræðið yfir Úkraínu, sem er Nígería Evrópu.
Utanríkisráðuneytið þjónar ekki hagsmunum Íslands heldur duttlungum embættismanna. Nærtækast er að afleggja ráðuneytið og færa verkefnin, þ.e. önnur en gæluverkefni embættismanna, til ráðuneyta með meiri jarðtengingu.
Bannið „ekkert smáhögg“ | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (4)
Fimmtudagur, 14. janúar 2016
ESB án Bretlands - Bandaríkin tapa símanúmeri
Hvert er símanúmerið í Evrópu? á Kissinger utanríkisráðherra Bandaríkjanna að hafa spurt. Bandaríkin bjuggu til Evrópusambandið til að vega upp á móti Sovétríkjunum eftir seinna stríð. ESB átti að vera símanúmerið sem valdhafar í Washington gátu hringt í þegar nauðsyn bar til.
Bretar eru á leiðinni út úr Evrópusambandinu á sama tíma og sambandið er í kreppu, m.a. vegna aðildar að misheppnaðri útþensku í austurátt, sbr. Úkraínu-deiluna, misheppnaðs gjaldmiðils og vangetu til að glíma við flóttamannavanda frá múslímaríkjum.
Evrópusambandið mun liklegast liðast í sundur hægt og rólega. Símasambandið við Washington var líka orðið stirt eftir að kalda stríðinu lauk.
ESB-samningur Breta klár í febrúar | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)