Mánudagur, 8. desember 2014
Karl gjaldþrota og Karl byggir
Fyrirtæki Karls Steingrímssonar, Kalla í Pelsinum, er gjaldþrota. Fyrirtæki sama Karls var í fréttum mbl.is fyrir tveim dögum að byggja stórhýsi.
Karlar í krapinu hann Kalli í Pelsinum.
Stórt gjaldþrot félags Kalla í Pelsinum | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Mánudagur, 8. desember 2014
ESB-sinnar þvo af sér útrásina
Samfylkingin var frá stofnun, um nýliðin aldamót, áhugasöm um tvennt. Í fyrsta lagi að koma sér upp auðmönnum til að fjármagna sig. Í öðru lagi að berjast fyrir aðild Íslands að Evrópusambandinu.
Samfylkingin og Baugur Jóns Ásgeirs Jóhannessonar urðu bandamenn í útrásinni. Jón Ásgeir styrkti Samfylkinguna með beinum framlögum frá nokkrum kennitölum, s.s. Baugs, Dagsbrúnar, FL-Group og Glitni.
Samfylkingin beitti sér í þágu Jóns Ásgeirs, bæði í fjölmiðlamálinu 2004 og síðar í útrásinni. Mestu öfgar útrásarinnar, s.s. þegar íslenskir bankar ryksuguðu upp sparifé í Evrópu, voru framkvæmdir í skjóli EES-samningsins, sem Samfylkingin lítur á sem undanfara aðildar að ESB.
Eftir hrun reynir samfylkingarfólk kerfisbundið að þvo hendur sínar af útrásinni. Þröstur Ólafsson skrifar grein í Fréttablaðið, sem Jón Ásgeir stjórnar enn, þar sem andstæðingum aðildar Íslands að Evrópusambandinu er kennt um útrásina.
Er hægt að leggjast lægra?
Dægurmál | Breytt s.d. kl. 11:32 | Slóð | Facebook | Athugasemdir (0)
Mánudagur, 8. desember 2014
Forstjórar, ASÍ og félagsleg launastefna
Í aðdraganda útrásar og á meðan henni stóð hækkuðu laun forstjóra meira en annarra. Hagfræðingurinn Ólafur Margeirsson tók saman tölur um þessa þróun:
meðaltal heildarlauna stjórnenda hafa hækkað um 46% að raunvirði frá 1998. Á sama tíma er talan 29% á heildina
Verkefni ASÍ er að minnka það bil sem er á launum forstjóra og annarra. ASÍ er með aðgang að ákvörðunum um forstjóralaun í gegnum lífeyrissjóðina.
Til að byrja með ætti ASÍ að krefjast þess að tekin verði upp mæling á launavísitölu forstjóra. Vísitalan yrði í senn viðmið og aðhald fyrir almenna launastefnu. ASÍ gæti sett sér markmið um að bilið milli forstjóralauna og almennra launa færi ekki fram úr tilteknu prósentuhlutfalli.
Jafnlaunavísitala fyrirtækja mældi muninn milli hæstu og lægstu launa. Jafnlaunavísitalan myndi upplýsa um samfélagslega ábyrgð fyrirtækja, hvort þau hygluðu stjórnendum á kostnað almennra starfsmanna, og hversu vel eða illa fyrirtækin stæðu andspænis markmiðum ASÍ.
Í gegnum lífeyrissjóðina er ASÍ í færum að móta félagslega launastefnu. Hingað til reynir ASÍ að afsaka sig frá verkefninu. Spyrja má hvaða hagsmuni ASÍ er að verja með því að draga lappirnar í þessu máli.
Dægurmál | Slóð | Facebook | Athugasemdir (0)