Betlehem og Brussel

Forfeður okkar tóku ekki upp nýja siði nema þá sem voru þrautprófaðir. Við biðum í þúsund ár til að meta hvort boðskapur Jesú Betlehemsbarns gerði sig á Íslandi. Þegar við lögtókum nýjan sið var það gert í sátt.

Evrópusambandið á hálfrar aldar sögu. Sennilega líður tíminn tvöfalt hraðar í dag en á miðöldum. Það þýðir að eftir um það bil 450 ár verðum við búin að meta hvort það sé skynsamlegt að taka upp esbé-siðu á Íslandi.

RÚV-frétt síðdegis minnir okkur á að kostnaður við of hraða aðlögun að erlendum siðum er hvorttveggja mældur í siðleysi og milljörðum króna. Erlend þjófagengi kosta íslenska verslun sex milljarða króna á ári. Þjófnaðurinn leggst ofaná þann kostnað sem við berum af Baugsfeðgum.

Gleðileg jól.

Athugasemdir

[Garðar Baldvinsson (IP-tala skráð) 26.12.2009 kl. 04:13]

Það var auðvitað ekki eftir 1000 ára landnám sem kristni var tekin upp, heldur kannski rúmlega eitt hundrað ára, þannig að tölur þínar virðast úr einhverju lausu lofti gripnar, líkjast í reynd eðlilegu umsóknarferli. Hins vegar þarf auðvitað að leggjast yfir aðild að EB og margir eins og ég hafa það á stefnuskrá sinni að komast þar inn. Nema samningar verði óaðgengilegir.