Frekjufylkingin verður klumsa

Stjórnarandstaðan lætur ekki Samfylkinguna segja sér fyrir verkum í Icesave-málinu enda búin að læra inn á taktíkina sem er blanda af blekkingum og ósvífni. Ríkisstjórnin ætlaði að múlbinda stjórnarandstöðuna með því að krefjast trúnaðar á kröfum Breta og Hollendinga á ómerkingu fyrirvara Alþingis við ríkisábyrgð á Icesave-skuldum.

Blekkingin sem átti að nota að keyra málið heim var að hér væri aðeins um smáatriði að ræða, - eiginlega bara stafsetningarleiðrétting á samningnum. Vitanlega býr meira að baki, Hollendingar og Bretar ætla að gera sitt ítrasta til að verja þann fáránlega hagstæða samning sem þeir fengu í upphafi.

Við höfum séð áður að ríkisstjórnin er tilbúin að fórna íslenskum hagsmunum til að tryggja völd sín. Ríkisstjórnin stendur og fellur með Icesave-samningnum. Frekjufylkingin ætlar að búa svo um hnútana að ríkisstjórnin standi en þjóðarhagsmunir falli með Icesave.

Athugasemdir

[Sævar Helgason, 19.9.2009 kl. 10:34]

Var þessi ICESAVE samningur ekki grunnlagður af þeim félögum Geir H. Haarde og Árna M. Matthísen , ráðherrum Sjálfstæðisflokksins skömmu eftir hrun haustið 2008 ?   Lengi býr að fyrstu gerð...

[Ína (IP-tala skráð) 19.9.2009 kl. 10:37]

Spyr eins og Sævar, ertu ekki að gleyma einhverju?

[Jón Ásgeir Bjarnason, 19.9.2009 kl. 10:57]

Þetta er allt hitt merkilegasta mál.

Það er í lagi að vinna illa vinnu sína og kenna svo einhverjum örum um niðurstöðuna!  Það er siðlaust.

Það er auðvitað enn verra þegar ekki má einu sinni ræða verkin áður en skrifað er undir.