Björgvin á flótta undan Baugsstyrk

Hallærislegasta fyrirbrigði sem til er hlýtur að vera stjórnmálamaður á flótta undan fjölmiðlum daginn fyrir kosningar. Björgvin G. Sigurðsson fyrrum viðskiptaráðherra og efsti maður á lista Samfylkingar í Suðurkjördæmi lætur ekki ná í sig í dag, samkvæmt visir.is, vegna þess að hann er flæktur í eigin lygaþvælu.

Svili Björgvins, Sigurður G. Guðjónsson, lögfræðingur og fyrrum stjórnarmaður í Baugsbankanum Glitni, kemur fram sem kosningastjóri Björgvins og harðneitar að fallni viðskiptaráðherrann hafi fengið styrk frá Baugi. DV hafði sagði frá þessum styrk. Lygin stendur í nokkra daga en þá viðurkennir samstarfsmaður Björgvins, Tómas Þóroddsson, að litli maðurinn með bassaröddina hafi fengið styrkinn.

Og Björgvin G. Sigurðsson lætur ekki ná í sig.

Athugasemdir

[Sigurður Þorsteinsson, 24.4.2009 kl. 16:25]

Hvað á þetta að þýða að vera að þjarma að þingmönnum Samfylkingarinnar degi fyrir kosningar. Þeir eru búnir að svara því skýrt og skorinort að þeir ætli sér ekki að fara að ræða um svona mál rétt fyrir kosningar.

Fréttastjóri Fréttablaðsins er þeim alveg sammála og tekur svona mál ekki upp!

[Jón Baldur Lorange, 24.4.2009 kl. 17:37]

Var Árni Páll Árnason búinn að gefa upp hvað hann fékk í styrk frá Baugi og FL Group?

[Einar Ólafsson, 24.4.2009 kl. 18:25]

Ég var að velta því fyrir mér hvort fólk sé alveg búið að missa sig í æsingi. Sjálfstæðisflokkurinn fær 50 milljóna styrk og flestir frambjóðendur margar milljónir en sá maður sem er að mestu leyti að reka kosningabaráttu sína á eigin reikning er úthrópaður vegna smá-aura. Er þetta í lagi ! Hvað getur aumimgja maðurinn gert að því þó einhver maður úti í bæ sé að ljúga einhverju ,ef svo er. Hvað sem segja má um Björgvin þá er þetta bara rugl ! Annars virðist sem allir fjölmiðlar séu algjörlega búnir að missa sig í ruglinu sem landið býr við.