Namibíu-dómarinn í héraðsdómi Reykjavíkur

Finnur Þór Vilhjálmsson var til skamms tíma saksóknari hjá embætti héraðssaksóknara. Frá nóvember 2019 fór Finnur Þór með saksókn í Namibíu-málinu, ásakanir Jóhannesar Stefánssonar uppljóstrara, Heimildarinnar og RÚV um mútugjafir Samherja í Afríkuríkinu. Meðal þeirra blaðamanna sem báru fram ásakanir um mútur er bróðir Finns Þórs, Ingi Freyr Vilhjálmsson. Finnur Þór varð dómari við héraðsdóm Reykjavíkur í september á liðnu ári.

Einn angi Namibíu-málsins er byrlunar- og símastuldsmálið. Sömu fjölmiðlar og ásökuðu Samherja um mútur eru tengdir byrlun Páls skipstjóra Steingrímssonar og stuldi á síma hans. Fimm blaðamenn eru sakborningar í lögreglurannsókn.

Páll er skipstjóri hjá Samherja og hafði borið blak af vinnuveitanda sínum í opinberri umræðu. Gögnin úr síma skipstjórans notuðu RÚV og Heimildin (áður Stundin og Kjarninn) til að sýna skipstjórann sem foringja í skæruliðadeild Samherja. Deildin er hugarfóstur blaðamanna. Fréttir um skæruliðadeild urðu margar og fóru víða. Fréttir um byrlun og símastuld að undirlagi fjölmiðla eru fáar og fara hljótt.

Með byrlunar- og símastuldsmálinu er Finnur Þór enn flæktari í Namibíu-málið og anga þess. Bróðir hans, blaðamaðurinn Ingi Freyr, er með stöðu sakbornings í byrlunar- og símastuldsmálinu. Finnur Þór hætti sem saksóknari eftir að bróðir hans fékk stöðu sakbornings. Saksóknarinn varð dómari.

Tilfallandi bloggari hefur skrifað um Namibíu-málið og byrlunar-og símastuldsmálið. Blaðamaður á Heimildinni, áður Stundinni og þar áður RÚV, Aðalsteinn Kjartansson, hefur stefnt tilfallandi fyrir héraðsdóm Reykjavíkur. Aðalsteinn krefst ritskoðunar og vill 2 milljónir króna í bætur og fá greiddan málskostnað. Stefnan er tilraun til kælingar. Bloggari skrifar um mál sem blaðamenn vilja að liggi í þagnargildi. Á bakvið Aðalstein er útgáfa, Heimildin. Peningamenn halda útgáfunni á floti með fjárframlögum. Þá fær Heimildin tugi milljóna króna í styrk frá ríkinu ár hvert.

Í viðtengdri frétt er fjallað um mögulegt vanhæfi landsréttardómara. Spurt er hvort vanhæfi eins dómara við landsrétt ,,smitist" á aðra dómara. Sé það tilfellið þarf að huga að sóttvörnum á kaffistofu héraðsdóms Reykjavíkur. Einkum þegar dómstólinn er virkjaður til að kæfa óþægilega umræðu um störf blaðamanna.

Hvenær „smitast“ vanhæfi yfir á aðra dómara?

Athugasemdir

[Grímur Kjartansson, 12.2.2024 kl. 08:42]

Samherji var sakaður um mútur í Namibíu 
en No Borders Iceland þykir sjálfsagt að við mútum landmæravörðum
og borgum 5000$ á haus fyrir að koma fólki frá Gaza

"Í viðtali við þær á mbl.is kom fram að það kostaði um $5.000 á mann að koma fólki frá Gasa"