Tilfallandi athugasemdir

Miðvikudagur, 20. desember 2023

Einn hælisleitandi, hálfur ættbálkur fylgir

RÚV, auðvitað, slær upp þeirri frétt að palestínskur hælisleitandi bíði í ofvæni eftir að fá fjölskylduna sína hingað til lands, á kostnað íslenskra skattborgara, auðvitað.

Af mynd af hælisleitandanum Naji Asar að dæma er hann á fertugsaldri. Hann gæti átt konu og kannski eitt til tvö börn, skyldi ætla. En nei, hér ekki ekki verið að tala um vestræna kjarnafjölskyldu. Gefum RÚV orðið:

Fjölskylda Naji sem hefur fengið alþjóðlega vernd hér á landi telur 8 manns, 5 fullorðna og 3 börn. Naji sótti um fjölskyldusameiningu fyrir 13 aðra fjölskyldumeðlimi fyrir rúmlega ári síðan og fékk vilyrði í október.

Einn hælisleitandi kemur til Íslands. Í nafni fjölskylduverndar koma 21, já tuttugu og einn, í viðbót. Þetta er ekki fjölskyldusameining heldur ættarmót.

Síðan hvenær er það stefna íslenskra stjórnvalda að hleypa hálfum og heilum ættbálkum inn í landið, sem í ofanálag hafa framandi siði er illa eða alls ekki semja sig að vestrænum samfélögum?

Samkvæmt tölfræði Útlendingastofnunar eru Palestínumenn þriðji stærsti hópurinn sem sækir um hælisvist á Íslandi. Ef hverjum hælisleitanda frá Palestínu fylgja heilu og hálfu ættirnar er um að ræða áhlaup til að skipta um þjóð í landinu. Hefur íslenskur almenningur verið spurður um þessa þjóðfélagstilraun?

Flokkur: Dægurmál | Facebook

Athugasemdir

Sama og demókratar í BNA eru að gera. Tryggja sér framtíðarkjósendur með innflutningi af milljónum af innflytjendum allstaðar að úr heiminum. Og til að tryggja að ekkert högt verði í vélinni hafa þeir nú dæmt Trump úr leik. Hæstiréttur Koloradó dæmir hann vanhæfan til framboðs til forsetakosninga. Vitaskuld er þetta ekki loka orð í málinu, en sýnir hvað þeir eru tilbúnir að ganga langt. Okkar menn ætla ekki að láta sitt eftir liggja heldur.

Lýðræðið hefur tekið á sig drastíska breytingu upp á síðkastið: er nú mjúkt og sveigjanlegt eins og banani.

Ragnhildur Kolka, 20.12.2023 kl. 09:14

Þetta sýnir vel hvað tal um fjölskyldusameiningu múslima er gjörsamlega út í hött. Þeirra viðmið varðandi fjölskyldu er allt annað en okkar. Þeir miða við ættbálkinn eins og þessi múslimi sem er sárreiður yfir því að vera ekki búinn að fá sína 13 fjölskyldumeðlimi eins og hann kallar það hingað svo þeir geti einnig lagst upp á íslenska skattgreiðendur. Það var afar vond yfirlýsing dómsmálaráðherra og utanríkisráðherra að greiða fyrir fjölskyldusameiningu múslima frá Palestínu og auglýsa að þeir hefðu flestir sem sóttu um fengið hæli hér. Engum dettur í hug að kalla þetta lið til sín nema okkur. Egyptar vilja þá ekki og þá ekki Jórdanar, Sýrlendingar eða Líbanir. En íslenskir ráðamenn kalla eftir þeim. Hvílíkt glórulaust rugl.

Jón Magnússon, 20.12.2023 kl. 11:03

Öfga múslímar ætla sér ekki eingöngu að taka yfir Ísrael, heldur og heiminn allan þar með talið Ísland og breyta í múslímskt guðveldi.

En fyrst er að afmá Ísrael, þar á eftir getur röðin komið að Íslandi og fleiri ríkjum. Það mun gerast því að við sjálf vinnum að þessu með þeim samanber ríkisstjórn Íslands.

Guð leyfir þetta vegna þess Guðleysis sem ríkir á Íslandi og öllum ríkjum Vesturlanda.

Guðmundur Örn Ragnarsson, 20.12.2023 kl. 14:24