Sigríður Dögg: um 100 m.kr. leigutekjur

Fréttamaður RÚV og formaður Blaðamannafélags Íslands, Sigríður Dögg Auðunsdóttir, leigði út fjórar íbúðir á Suðurgötu 8 í miðborg Reykjavíkur. Leigusalan fór í gegnum Airbnb útleiguna. Samtals voru 8 svefnherbergi í íbúðunum fjórum með svefnplássi fyrir 28 manns. Starfsemin á Suðurgötu líktist meira gistiheimilarekstri en íbúðaleigu.

Sigríður Dögg játaði skattsvik vegna útleigu í færslu á Facebook á mánudag. Síðan hefur fréttamaður RÚV og formaður stéttafélags blaðamanna neitað að tjá sig um málið í fjölmiðlum.

Sigríður Dögg var sjálf skráð fyrir íbúðunum á Suðurgötu 8, ekki eiginmaður hennar. Samkvæmt tilfallandi gögnum var heildarleiga fyrir sólarhringsleigu á íbúðunum, miðað við fulla nýtingu, um 1000 bandaríkjadalir eða um 135 þúsund krónur.

Leigutekjur Sigríðar Daggar má áætla að hafi verið um 4  milljónir kr. á mánuði, 40 til 50 milljónir kr. á ári. Starfsemin var ólögleg og ekkert var gefið upp til skatts. Útleiga í miðbæ Reykjavíkur er ábatasömu og gera má ráð fyrir góðri nýtingu á íbúðunum fjórum.

Upp komst um skattsvik fréttamannsins þegar skattrannsóknastjóri knúði fram upplýsingar um ólöglega útleigu Íslendinga í gegnum Airbnb-bókunarkerfið. Upplýsingarnar náðu til áranna 2015-2018. Skattrannsóknarstjóri fékk upplýsingar frá Airbnb á Írlandi vorið 2021.

Hafi Sigríður Dögg verið með íbúðirnar á Suðurgötu í svartri útleigu öll fjögur árin vantaldi hún til skatts fjárhæð er nemur um eða yfir 100 milljónir króna.

Formaðurinn tjáir sig ekki frekar um skattamálin

Athugasemdir

[Gunnar Rögnvaldsson, 17.9.2023 kl. 09:13]

Blaðskellandi peningaplokkvélin RÚV lætur ekki að sér hæða þarna í Austur-Berlín Reykjavíkurborgar. Plokkar landsmenn bæði utan sem innan vinnutíma. Þarna hlýtur að vera komið nýtt heilagt formannsefni fyrir Samfylkinguna. Ein með drifi á öllum stundum sólarhringsins.

Skyldu svo kallaðir "stjórnmálamenn" yfir höfuð vita hvaða mafíu þeir eru með undir stjórn þarna við efsta Glæpaleyti?

Kveðjur

[Björn Birgisson, 17.9.2023 kl. 10:07]

Heimildir Páll?

Þú verður að vitna til heimilda eða að minnsta kosti gera lesendum grein fyrir því að þetta mál sé ekki hreinn uppspuni af þinni hálfu. 

Áttu heimildamann hjá skattinum?

[Páll Vilhjálmsson, 17.9.2023 kl. 11:45]

Eins og segir í blogginu, Björn, er ég með heimildir. Þær njóta nafnleyndar.

[Heimir Lárusson Fjeldsted, 17.9.2023 kl. 15:09]

Enn hýsir RUV lögbrjót og nú með velþóknun Blaðamannafélags Íslands.

[Guðmundur Böðvarsson, 17.9.2023 kl. 16:37]

Helgi rannsóknaritstjóri hlýtur að rannsaka málið..

[Júlíus Valsson, 18.9.2023 kl. 13:27]

Fréttamenn RÚV hafa ekki haft neinn tíma til að fjalla um áhrif 3. orkupakka ESB á raforkumarkaðinn hér á landi eða framsal löggjafarvalds Alþingis til ESB með Bókun 35. Frétttamennirnir hafa haft öðrum hnöppum að hneppa.