Einyrkjar miðla Úkraínustríðinu

Meginstraumsfjölmiðlar eru heldur lélegir vilji maður fylgjast með Úkraínustríðinu frá degi til dags og fá hugmynd um þróun mála. Hér eru nokkrir opnir miðlar á youtube sem hægt er fylgjast með. Allt eru þetta einyrkjar sem sanka að sér upplýsingum af vefnum og sýna með kortum stöðu mála. Fréttir af vígvellinum eru einatt óljósar á meðan bardagar standa yfir og gnótt er af misvísandi fréttum. Með þeim fyrirvara er upplýsandi að fylgjast með neðangreindum einyrkjum.

Ukraine. Military Summary and Analysis.

Hvítrússi rekur þennan miðil. Hann birtist daglega, oftast síðdegis. Höfundurinn er fremur hlynntur Rússum. 

Military Lab

Oft um 8 mín. daglega með kortum og klippum. Síðdegis. Hlynnt Úkraínu.

UKRAINKA

Úkraínumaður rekur miðilinn. Birtir vanalega á nóttinni á íslenskum tíma alla daga. Vel kunnugur úkraínskum innanlandsmálum, gefur pólitíska og efnahagslega greiningu ásamt yfirliti yfir vígvöllinn. Hlynntur Úkraínu.

Defence politics Asia

Strákur í Singapúr er höfundur. Birtir óreglulega, stundum 2-4 á dag en hlé þess á milli. Reynir að vera hlutlaus en hallar sér að Rússum. Fremur leiðinleg rödd.

New World Econ

Amerískur strákur setur þetta saman. Duglegur að kemba aðra miðla, góð kort en léleg þekking á aðstæðum. Birtir stundum 2-3 á dag en tekur hlé á milli. Hlutlaus.

Athugasemdir

[Ragnhildur Kolka, 29.7.2022 kl. 11:24]

Þú hefðir mátt taka The New Atlas með. Hefur djúpa þekkingu á tæknimálum og gildi/virkni hinna ýmsu vopna á vígvellinum. Viðrar rangfærslur í tilkynningum Pentagon og öðrum hermálahugveitum. Hlyntur Rússum. 

[Páll Vilhjálmsson, 29.7.2022 kl. 11:41]

Sammála, hann hefði átt að vera með. Kosturinn við New Atlas er að hann fer yfir reglulegar tilkynningar/blaðamannafundi hjá Pentagon og ber saman við veruleikann á vígvellinum. 

[Borgþór Jónsson, 30.7.2022 kl. 11:15]

Theduran.com hefðu átt að vera með.
Þeir fjalla aðallega um pólitísku og efnahagslegu hliðar stríðsins,en líka um stríðssreksturinn að einhverju leiti.
Mjög vel að sér um það sem er að gerast.