Engin kona: ekkert jafnrétti kynjanna

Ríkisvaldið býr ekki að skilgreiningu á konu, segir Katrín forsætis í svari við fyrirspurn Sigmundar Davíðs.

Ha?

Er ekki svo að í mörg, mörg ár er talað um jafnrétti kynjanna? Margvíslegar aðgerðir stjórnvalda á liðnum árum miða við að rétta hlut kvenna; lög eru sett, peningum úthlutað, nefndir skipaðar og stofnanir settar á laggirnar. Allt í nafni kynjajafnréttis.

En svo veit ríkið ekki hvað kona er. Öll umræðan um jafnrétti kynjanna var byggð á vanþekkingu, tíma og fjármunum var eytt til einskis. Til hvers að berjast fyrir einhverju sem ekki er vitað hvað er?

Strax á mánudag hlýtur Katrín forsætis að gefa út yfirlýsinu um að öll jafnréttisbarátta kvenna síðustu ára og áratuga sá einn allsherjar misskilningur.

Því við vitum ekki hvað er kona. Væntanlega ekki heldur hvaða fyrirbæri kallast karl.

Afmenntun, að ekki sé sagt afmennskun, tekur á sig furðulegustu myndir.

Athugasemdir

[Ragnhildur Kolka, 2.7.2022 kl. 09:30]

Hahaha... Góður

[Sigurður Kristján Hjaltested, 2.7.2022 kl. 09:37]

Algjor snilld.

[Jón Steinar Ragnarsson, 2.7.2022 kl. 12:05]

Í þessari afstæðnishyggju allri, er spurning um að setja kynin á kvarða líkt og celsíus kvarðan. Þá gætum við kannski skilgreint okkur með gráðum. +10 gráðu kona er því taæsverð kona en -10 gráðu kona er talsverður kall.

[Guðmundur Ásgeirsson, 2.7.2022 kl. 17:32]

Kona er einstaklingur með kynskráninguna "kona" í þjóðskrá.

- Samkvæmt svari forsætisráðherra.

[Jón Steinar Ragnarsson, 2.7.2022 kl. 19:39]

Guðmundur. Katrín er þá væntanlega þeirrar skoðunnar að skilgreining konu hafi ekkert með krómosóm að gera. Þú þarft bara að telja þig konu til að vera kona. Sama gildir væntanlega um karlmenn. Er eitthvað markmið með þessari vitfirringu? Ég á erfitt með að sjá það, en það er vaflaust eitthvað agenda einhvestaðar.

[Guðmundur Ásgeirsson, 2.7.2022 kl. 20:09]

Svarið inniheldur ekki persónulega skoðun þeirrar konu sem gegnir embætti ráðherra, heldur þá skýringu ráðuneytisins að samkvæmt gildandi lögum telst kona vera einstaklingur sem er með kynskráninguna "kona" hjá Þjóðskrá. Samkvæmt þeim lögum sem vísað er til er öllum sem vilja vera skilgreindir sem kona frjálst á skrá sig sem slíka.

Ég var nú bara að reyna að útskýra þetta en ekki tjá neina skoðun.

[Jón Steinar Ragnarsson, 3.7.2022 kl. 00:47]

Ég var eiginlega bara að fletta spurningar út úr svari Kötu. Ekki hnýta í þig. Eðlilegast þætti mér að vísað sé í líffræðilega lýsingu frekar en einhverja stofnanagreiningu eða tilfinningu sem fólki er í sjálfsvald sett.

Krlar hafa tvö x krómosóm í frumum en konur x og y. Þetta er ófrávíkjanleg líffræðileg staðreynd og skilgreining á því hvað kona er. Skiptir engu máli hvort viðkomandi er tikktokk ljóska eða trukkalessa. Persónuleg sjálfsgreining á einhverju heimatilbúnu og súrrealísku fetish rófi er ekki byggt á neinum grunnvísindum.

[Guðmundur Ásgeirsson, 3.7.2022 kl. 01:45]

Skipting mannkyns í "kynþætti" byggist ekki heldur á neinum grunnvísindum.

[NonniV, 3.7.2022 kl. 07:57]

Sem sagt ef ég vil fá spennandi stjórnunarstarf hjá ríkinu, hjá stofnun sem meirihluti karla eru stjórnendur, þá fer ég bara á vefinn og breyti kyn skráningu minni í konu og eyk þar með líkurnar á að fá jobbið eða a.m.k einhverjar miljónir í skaðabætur.