Hatrið á hvítri móður

Guðríður Þorbjarnardóttir átti sveininn Snorra í vesturheimi á 11. öld, samkvæmt arfsögn sem rataði í bækur. Guðríður varð stytta í höndum Ásmundar Sveinssonar og fékk heitið Fyrsta hvíta móðirin í Ameríku.

Nýverið var styttunni stolið undir þeim formerkjum að hún væri rasísk og komið fyrir í öðru verki. Gjörningurinn er í takt við samtímakenningu, fræðilega kynþáttahyggju (critical race theory), er kennir að allir hvítir á hörund séu rasistar.

Í gær fór styttan af Guðríði til síns heima. Sama dag sagði í fréttum að frá 2014 hefur 14 sinnum verið ákært fyrir hatursorðræðu. Ekki er hermt hvort ákært hafi verið fyrir hatur á hvítum mæðrum. Sennilega ekki, þær eru jú allar rasistar samkvæmt kenningunni og njóta sem slíkar ekki verndar gegn ,,háðung, róg­b­urði, smán­un eða ógn­un."

Fyrsta hvíta móðirin ekki lengur í eldflauginni

Athugasemdir

[Grímur Kjartansson, 17.5.2022 kl. 14:02]

Fáranlegt að "fréttamenn" vísi alltaf til þjófanna sem listakvenna í stað ræningja

[Ragnhildur Kolka, 17.5.2022 kl. 15:31]

Hvad veldur þessu sjálfshatri fólks sem hefur fengið allt upp í hendurnar? Gengur um rænandi og ruplandi og hótar løgsókn þegar uppum það kemst. 

[Helga Kristjánsdóttir, 17.5.2022 kl. 21:42]

 Kannski einmitt það að fá allt og þurfa oftast ekki að standa nein reiknisskil á framferði sínu,svona ef að líkum lætur.

[FORNLEIFUR, 18.5.2022 kl. 08:29]

FORNLEIFUR leyfir sér að minna á sitt innlegg í þessa undarlegu listaumræðu á Íslandi: https://fornleifur.blog.is/blog/fornleifur/entry/2277883/: Ég vona svo að ég verði ekki lögsóttur.

[Hólmgeir Guðmundsson, 18.5.2022 kl. 18:40]

Þetta mál skapar áhugavert fordæmi. Nú geta þeir sem uppvísir verða að þjófnaði hindrað með atbeina dómstóla lögguna í því að hirða af þeim þýfið, vísað til þess að verknaðurinn sé listgjörningur.

[Ragnhildur Kolka, 18.5.2022 kl. 20:53]

Þú hittir naglann á høfuðið Helga.