X var skólafélagi Rakelar á RÚV

X játaði í lögregluyfirheyrslu að hafa byrlað Páli skipstjóra Steingrímssyni og stolið snjallsíma hans. X afhenti fréttamanni RÚV síma Páls 4. maí á síðasta ári.

X var skólafélagi Rakelar Þorbergsdóttur á Akureyri. Rakel var fréttastjóri RÚV þangað til hún hætti skyndilega í haust án nokkurra skýringa. Í greinargerð lögreglu, sem lögð var fyrir héraðsdómi Norðurlands eystra í vikunni, kemur fram að skömmu fyrir brotthvarf Rakelar voru teknar lögregluskýrslur af fjölmiðlafólki tengdu málinu.

Líklegasta skýringin á uppsögn Rakelar er að hún og Stefán útvarpsstjóri hafi farið yfir málin í haust og komist að þeirri niðurstöðu að Rakel væri ekki sætt sem fréttastjóra. Það þýðir að Stefán útvarpsstjóri veit frá október að lykilmenn RÚV eru flæktir í samsæri um byrlun og gagnastuld vegna frétta sem birtust í Kjarnanum og Stundinni en ekki á RÚV. Útvarpsstjóri hefur ekki látið svo lítið að biðjast afsökunar á aðild þjóðarútvarpsins að sakamálinu.

Ef önnur ríkisstofnun ætti í hlut væru fjölmiðlar á kafi í málinu, RÚV ekki síst, og krefðust svara hvers vegna heil ríkisstofnun hylmir yfir alvarlega glæpi, byrlun og gagnastuld. Ráðherrar yrðu teknir á beinið og spurt yrði um pólitíska ábyrgð. En á fjölmiðlum ríkir að mestu leyti þögn. Það litla sem heyrist eru fréttir í tilkynningastíl. Ísland líkist óþægilega bananalýðveldi þar sem einn flokkur, RÚV-flokkurinn, fer með dagskrárvaldið í opinberri umræðu.

RÚV-flokkurinn starfar fyrst og fremst í þágu menntaelítunnar. Tökum lítið dæmi. RÚV segir á dramatískan hátt frá ógöngum konu í samskiptum við ráðuneyti. Ég er ,,búin að endurheimta líf mitt og hversdagsleikann aftur og er mjög fegin," segir konan í fréttum RÚV. Hverjar voru hremmingar konunnar? Jú, hún fékk ekki stöðu sem hún sótti um. Það er stórmál að menntakona fái ekki opinbert embætti. En RÚV finnst allt í lagi að byrla og stela einkagögnum þegar norðlenskur skipstjóri á í hlut.

Í réttarríki eru glæpir glæpir, burtséð hver fremur þá. Hér á landi eru það ekki glæpir þegar RÚV-flokkurinn byrlar og stelur til að ná í fréttir sem eru flokknum þóknanlegar.

Í greinargerð lögreglu kemur fram að X hafi verið í sambandi við tvo fjölmiðlamenn á RÚV. Þóra Arnórsdóttir, sem enn er ritstjóri Kveiks á RÚV, er með stöðu sakbornings í lögreglurannsókninni. Rakel sömuleiðis, að öllum líkindum, þótt ekki hafi það verið staðfest opinberlega.

X fannst að fjölmiðlamenn hafi misnotað sig og sótti þá heim á Efstaleiti seint í júlí. Í greinargerð lögreglu segir um þá heimsókn að X ,,hafi verið hent út af RÚV af sama starfsmanni og tók við símanum" þá um vorið. X er bersýnilega ekki hluti menntaelítunnar.

Tveir koma til greina sem útkastarar á RÚV, Rakel og Þóra. Þétt að baki þeim stendur Stefán yfirútkastari laga og reglna í landinu. Stefán er fyrrum lögreglustjóri. X var búinn að þjóna tilgangi sinum og mátti ekki sjást á Efstaleiti. Nú varð að fela glæpaslóðina með öllum tiltækum ráðum. 

RÚV-flokkurinn er stór og máttugur. Eins og dæmin sanna getur flokkurinn bæði efnt til útifunda og látið reiðibylgjur rísa á samfélagsmiðlum. Stjórnmálamenn éta úr lófa RÚV, annars komast þeir ekki í fréttirnar.  Hve lengi enn á RÚV-flokkurinn að ráða lögum og lofum í landinu?

 

 

 

Athugasemdir

[Heimir Lárusson Fjeldsted, 27.2.2022 kl. 08:41]

Erfitt að ljúga upp á þetta fólk hjá ruv, ef það er þá hægt.

[Sigurður Kristján Hjaltested, 27.2.2022 kl. 11:20]

Gleymum ekki adforinni ad Sigmundi.

Theyr steyptu ríkisstjórninni.

Slíkur er máttur RUV.

[Sigurður I B Guðmundsson, 27.2.2022 kl. 11:52]

Svo verða allir sem eru með kennitölu fólk,málleysingar,fyrirtæki að greiða til RÚV-flokksins hvort sem þeim líkar það betur eða verr.

[Gunnlaugur Hólm Sigurðsson, 27.2.2022 kl. 12:24]

Dag- og göngudeildir geðsviðs - Landspítali (landspitali.is)

[Sigfús Ómar Höskuldsson, 27.2.2022 kl. 16:18]

Ekki ber á öðru að staðhæfnigarhæfni höfundar fari nú e-ð þverrandi.

Greina má mun fleiri "líklega" og "bendir til" en áður. Öllum líkindum e-ð minni upp á höfundi hans fermingarbróður en áður.

Augljós merki þess að nú vilji höfundur nú þynna drykkinn enn meira með því að beina orðum sínum að ráðherra RÚV og málaferlum ráðherrans, vegna þeirra réttar sem allir hafa, líka höfundur, þegar kemur að umsókn um starf hjá hinu opinbera (gott að muna að sannarlega nýtur höfundur síns réttar) og einn telur á sér brotið þá eru til stjórnvaldsreglur um slíkt.

Reglur eða siðir eiga svo lítið upp á pallborðið hjá höfundi. Hann heldur enn við sinn keip og sakar manna og annan (já og konur) um brot í starfi án beinna sannanna, aðeins getgátna.

En gott og vel, það er hans.

Er svo með í pokahorninu tvær spurningar til höfundar (sem verður ekki svarað, enda kann höfundur illa við spurningar sem hann getur minna svaraða eða snúið út svo kórinn hér taki undir):

1. Það er ekki ólíklegt að ég hafi einu sinni tekið sama strætó og téð/ur X, líklega leið 3, Nes- Háleiti, líklega eftir hádegið 14 október 1984. Er þá líklegt að undirritaður hafi e-ð með mál nafna höfundar og stuld á apparati einu ? 

2. Er höfundur á þeirri skoðun að þau gögn sem Julian Assange hafði undir höfundum um illvirki herverja Bandarikjanna í Íraksstriðinu , hafi ekki mátt birta sökum þess að gögnin voru ekki afhent af hálfu Varnamálaráðuneytis sama ríkis ?

Bónusspurningin er svo þessi: Mun höfundur gefa upp sinn heimildamann/konu sem er búin/n að halda höfundi upplýstum um meinta rannsókn og alla þætti hennar , er varða mögulegt klámhundalíf téðra blaðamann, síðan í byrjun október 2021 ?

Mátt spyrja kórinn....

[Jón Steinar Ragnarsson, 28.2.2022 kl. 01:06]

Gunnlaugur: Assamge leiddi fram í ljósið stórfelld persónuverndarbrot bandarískra yfirvalda þar sem yfirvöld brutust inn í síma og tölvur borgaranna í stórum stíl og afrituðu gögn án heimildar.

Assagne var því í sömu sporum og Páll er hér þegar hann flettir einnig ofan af stórfelldum persónuverdarbrotum og gagnastúldi opinberrar stofnunnar. Þú vilt kannski fara með Pál eins og bandarísk yfirvöld fóru með Assange?

Flest grunnlög þjóðanna eru til þess að vernda borgarana gegn yfirvöldum en ekki öfugt.

Ef þeir komast upp með þetta er framtíðin ansi dystópísk fyrir okkur og eins gott að þú passir upp á símann þinn og hafir margfaldann eldvegg á tölvunni þinni. Bæker með salt í æðum er ekki stikkfrír þar fremur en nokkur annar.

[Halldór Jónsson, 28.2.2022 kl. 02:33]

Hver er munurinn á byrlun eða morðtilraun?