Egill Helga gargar á Joe Rogan, ekki Guðna forseta

Egill Helga spjallstjóri er hættur á Spotify vegna Joe Rogan starfsbróður Egils, sem talar við fólk er pólitíski rétttrúnaðurinn hefur sett út af sakramentinu. Glæpur Rogan er ,,að fá til sín í viðtal smitsjúkdómalækni sem mótmælt hefur bólusetningum barna gegn veirunni." 

Atli Harðarson prófessor víkur að tískunni sem Egill fylgir og skrifar á Facebook um ,,gargvæðingu hugarfarsins":

Ýmist eru yfirvöld sögð skyldug til að setja strangari reglur um sóttvarnir eða talin sek um stórfelld brot á mannréttindum ef grímuskylda er framlengd um nokkrar vikur. Kóvid er bæði sagt ógn af verstu gerð og algerlega meinlaust kvef.

Það er hluti af gargvæðingu hugarfarsins að telja nær hvaðeina annað hvort í himnalagi eða fyrir neðan allar hellur. Sannleikurinn um þau efni sem ég nefndi er samt of beggja blands til þess að réttlæta nein gífuryrði.

 

Egill Helga gargar á Joe Rogan, sem fær til sín gesti með ólík sjónarmið, en lætur vera að garga á Guðna forseta sem fylgdi ekki sóttvarnarreglum þegar hann bauð í teiti. Sumir eru yfir það hafnir að fylgja reglunum. Sauðsvartur almúginn á að hlýða. Góða fólkið, handhafar rétttrúnaðarins, er með undanþágu.

 

Pólitíski rétttrúnaðurinn vildi ekki kannast við uppruna veirunnar til að valda ekki alþjóðlegum rétttrúnaði tjóni. 

 

Garg góða fólksins er dygðaskraut. 

Segist bera ábyrgð á misskilningi um grímuskyldu

Athugasemdir

[Ingólfur Sigurðsson, 31.1.2022 kl. 14:51]

Þetta er góð grein og fjallar vel um þetta. Mér finnst það ódýrt auglýsingatrix hjá Neil Young og Joni Mitchell að grípa til svona aðgerða, eins og gegn Rússlandi og Metooöfgakvendin gera, þetta er einhver tízkubylgja núna. Bæði Neil Young og Joni Mitchell eru risaeðlur sem eru að gleymast, og svona vekja þau athygli á sér, á meðan enn er meirihluti samþykkur bóluefnaherferðinni.

Já, dyggðaflöggun og auglýsingatrix. Þau Neil Young og Joni Mitchell ættu frekar að semja ný dægurlög um það hversu mjög þau elska fasismann á bakvið bóluefnaherferðinni, og að þau vilji meira af slíku, að það veki hjá þeim dulda þrá eftir fasisma Hitlers og Stalíns.

Margir sem tala um bóluefnafasisma, sem þá Neil Young og Joni Mitchell eru samþykk.

[Jón Steinar Ragnarsson, 31.1.2022 kl. 16:02]

Allt sem Rogan gerði var að lýsa eigin reynslu þegar hann fékk covid og kallaði til æðsta mann heilbrigðis mála hjá bandaríkjastjórn til að ræða þetta, staðfesta eða hrekja. Pirringurinn er mest yfir því að viðkomandi sérfræðingur gat ekki hrakið neitt og stóð á gati.

Þeir sem standa í þessu andófi hafa gert sig að algerum fíflum. Flestir miðlar eru nú með sovíet style rítskoðun og banna skoðanaskipti. Nú bætist frjálst útvarp og tónlist á lista rannsóknarréttarins. Hjáróma jaðarhópur öfgafullra vinstrimanna stjórnar þessu öllu og menn lúta fyrir þessum bannfæringum án möglunnar.

[Halldór Björgvin Jóhannsson, 31.1.2022 kl. 17:51]

Ég sé þetta sem algeran sigur (absolute win), þ.e.a.s að losna við þennan íslenska af spotify. Ég efast um að margir í heiminum felli tár yfir því.

[Gunnar Hólmsteinn Ársælsson, 1.2.2022 kl. 19:40]

Þú vilt sjálfsagt losna við Guðna, en hann er jú allt þetta; frjálslyndur, víðsýnn og mikill mannvinur. Hér er hinsvegar gargað fullum hálsi í allar áttir um allt og alla.