Stundin og Kjarninn á spena RÚV

Án þess að stafkrókur sé um það í lögum og reglum RÚV er ríkisfjölmiðillinn í nánu faglegu og fjárhagslegu samstarfi við vefmiðlana Stundina og Kjarnann. RÚV notar jaðarmiðlana til að ráðast á andstæðinga sína, halda fréttum lifandi sem annars féllu dauðar, þagga niður fréttir sem eru óþægilegar og opna sóðaleg fréttamál sem RÚV endurómar.

Nýtt dæmi um þjónustuhlutverk Stundarinnar og Kjarnans er samstillt aðgerð gegn tilfallandi höfundi. Síðdegis á fimmtudag birti Stundin pistil Aðalsteins Kjartanssonar og leiðari Þórðar Snæs í Kjarnanum var sendur út þrem klst. síðar. Í báðum tilfellum var stuðst við fjölmiðlagreiningu Creditinfo sem er dýr í áskrift fyrir félitla jaðarmiðla en RÚV kaupir. Tímasetning var samstillt til að freista þess að hrinda af stað reiðibylgju á samfélagsmiðlum.

Félagarnir Aðalsteinn og Þórður Snær bera blak af RÚV vegna aðildar að glæpamáli sem er í lögreglurannsókn. RÚV stendur teprulegt álengdar, vikapiltarnir sjá um skítverkin.

Þegar RÚV skipulagði aðför að meðvitundarlausum manni í öndunarvél í vor til að stela frá honum gögnum var Aðalsteinn starfsmaður á Efstaleiti. Í tæka tíð fyrir glæpinn var hann fluttur á Stundina. Fyrir hádegi 30. apríl var Aðalsteinn starfsmaður RÚV en eftir hádegi var hann orðinn blaðamaður á Stundinni. Þetta er staðfest. Eftir hádegi var Aðalsteinn enn á launaskrá RÚV en í vinnu hjá Stundinni. Móðurfélagið skutlaði starfsmanni í dótturselskapið til að vinna myrkraverk.

Þórður Snær og meðeigandi hans í Kjarnanum eru reglulega í settinu á Efstaleiti að ræða þjóðmálin og leggja línurnar. RÚV fær hundslega tryggð og jaðarfólkið kynningu. 

Störf, verktakagreiðslur og fagleg umbun flæða frá Efstaleiti í Kjarnann og Stundina. Allt er þetta fjármagnað með ríkisfé, skatti sem almenningur er neyddur að inna af hendi.

Ríkisfjölmiðill kemur sér upp leppmiðlum til að styrkja stöðu sína á fjölmiðlamarkaði. Efnt til herferðar einn daginn en þann næsta slegin skjaldborg þegar upp kemst um strákinn Tuma og vinnubrögðin. Ríkisendurskoðun hefur af minna tilefni gert stjórnsýsluúttekt á ríkisstofnun.

Aðalsteinn opnaði svívirðilegasta fréttamál seinni ára 21. maí. Kjarninn og RÚV fylgdu í humátt á eftir og birtu raðfréttir af málinu til að festa í vitund almennings að skúrkar ynnu hjá Samherja.  Samræmdar aðgerðir og samstillt vinnubrögð. Afhjúpun Aðalsteins var fengin með glæp.

Þórður Snær segir að það sé allt í lagi að stela og stefna lifi fólks í voða til að ná í fréttir. Enginn blaðamaður með ögn af sjálfsvirðingu talar svona. Þetta er hrein og klár gangsteramenning. Ef allir hugsuðu eins og Þórður Snær væri ólíft á Íslandi. Misindismenn tækju fólk af lífi, bæði í eiginlegum og óeiginlegum skilningi, án nokkurra afleiðinga ef þeir aðeins titluðu sig blaðamenn eða heimildarmenn frétta.

RÚV er áferðafalleg miðstöð skítamenningar í nánu bandalagi við göturæsisútgáfur. Bandalagi RÚV, Stundarinnar og Kjarnans er ekkert heilagt. Afbrot eru skipulögð með þaulhugsaðri verkskiptingu, þau framkvæmd og síðan réttlætt.  Enginn er óhultur á meðan dýrið gengur laust.

Athugasemdir

[Kristinn Bjarnason, 21.11.2021 kl. 10:54]

Þessi stofnun gengur svo fram af stórum hluta þjóðarinnar að það hlítur að vera tilefni til að skoða hvort það sé ekki kominn tími til að loka. Þessi miðill er búinn að vera sérstaklega duglegur við að viðhalda hræðslu í þjóðfélaginu og hættulegum áróðri síðustu 2 ár a.m.k. og ráðast á fólk og fyrirtæki án afleiðinga. Þetta er stóhættulegur fjölmiðill. Er enginn með viti að stýra þessu landi? Þetta er svo sem í anda stjórnvalda núna þeir standa hvergi í lappirnar. Þeir gera samninga við lyfjafyrirtæki sem ekki þola dagsljós, hvetja landsmenn til að láta sprauta sig með mjög svo vafasömu efni svo ekki sé meira sagt, engin varnaðarorð. Ráðamennn þjóðarinnar hafa staðið fyrir því að gera íslenska þjóð að tilraunadýrum. Flytja inn fólk sem er með það á stefnuskrá að drepa okkur og láta almenning borga fyrir það. Þetta er glæpsamleg hegðun. 

FYRIR HVERN ER ÞETTA FÓLK AÐ VINNA?

[Sigurður Kristján Hjaltested, 21.11.2021 kl. 12:51]

Ekkert við þetta að bæta Páll.

Sorglegt en satt.

[Guðjón E. Hreinberg, 22.11.2021 kl. 04:49]

Áhugavert. Pravda og Komintern og fleira slíkt endurfætt.