Páley staðfestir lögreglurannsókn

Páley Borgþórsdóttir lögreglustjóri á Norðurlandi eystra staðfestir yfirstandandi lögreglurannsókn á stuldi síma Páls Steingrímssonar skipstjóra hjá Samherja.

Í samtali við Vísir.is segir Páley að frétta sé að vænta af rannsókninni eftir tvær vikur.

Tilfallandi athugasemdir sögðu frá lögreglurannsókninni þann 10. nóvember.

Það tók fjölmiðla heila níu daga að fá staðfestingu á tilfallandi bloggi.

Vel gert.

Athugasemdir

[Heimir Lárusson Fjeldsted, 19.11.2021 kl. 13:13]

Sannleiksást fréttamiðlara er mismikil.

[Jón Steinar Ragnarsson, 19.11.2021 kl. 19:20]

Það ætti ekki að vera neitt leyndarmál að þjófnaðarmál sé rannsalað. Af hverju bloggarinn vissi af því framar öðrum er rannsóknarmál útaf fyrir sig.

Rannsókn þýðir ekki að glæpur hafi átt sér stað, hvað þá að sekt sé sýnd. Þrátt fyrir það hefur bloggari vænt stofnanir og einstaklinga um morðtilraun og stórfenglegt samsæri til að komast að því hvort Samherji væri með menn í vinnu sér til varnar.

Mér finnst þetta orðið svolítið súrrealískt satt að segja. Eina sem mér þykir sýnt og sannað hér er að bloggarinn hefur farið langt fram úr sér og geti hugsanlega skapað sér sekt af öðrum toga.

Þú getur hafa vitað af rannsókn framar öðrum en ekkert um sekt eða sýknu, seka eða saklausa. Til þess eru rannsóknir að komast að því.