Búsáhöld, Trump og lýðræðið

Árásin á þinghúsið í Washington og búsáhaldabyltingin í Reykjavík fá samanburð í umræðu sem vísir.is tekur saman.

Í báðum tilvikum ræðst æstur múgur á þjóðþing. Atlagan á Austurvelli var svæsin og ofbeldisfull, eins og fram hefur komið hjá fórnarlömbum atgangsins.

Ef lýðræðið er frjáls skoðanaskipti en árás lýðs á þjóðþing tilraun til valdaráns, tja, þá er morgunljóst að byltingartilraunin, sem kennd er við búsáhöld, er engu skárri en atlagan að Þinghól þar vestra.

Þeir sem helst höfðu sig í frammi í búsáhaldabyltingunni með ofbeldi og látum ættu að kannast við gjörðir sínar, stíga fram og biðjast afsökunar. Það væri falleg athöfn auðmýktar fólks sem einatt sér flísina í auga náungans en ekki bjálkann í eigin auga.

En, auðvitað, það mun enginn biðjast afsökunar á ofbeldisverkum í búsáhaldabyltingunni. Risið er ekki hærra á sumu fólki. Meira en áratug síðar stritast það við að úthúða samborgurum sínum fyrir skort á lýðræðiskennd en brennur sjálft í skinninu eftir tækifæri að taka upp grjót á alþingi götunnar.

Athugasemdir

[Gunnar Heiðarsson, 12.1.2021 kl. 08:47]

Í þessari svokallaðri "fréttaskýringu" á vísi er mikið lagt upp úr rót mótmælanna og vissulega er þar mikill munur á. Eðli þeirra er þó það sama, fjölmenni mætir til mótmæla og fámennur hluti þess beitir ofbeldi.

Vissulega má líkja því ofbeldi sem framið var í bandaríska þinghúsinu við það ofbeldi sem framið var við hið íslenska. Þó íslenska ofbeldisfólkið hafi ekki borið skotvopn, eins og það bandaríska, þá voru íslensku löggæslumennirnir heldur ekki búnir skotvopnum. Því var vopnaburðurinn sannarlega ólíkur, en að öðru leyti atburðirnir sambærilegir. Hér var ráðist inn í þinghúsið, rétt eins og ytra.

Þegar mótmæli fara fram eru alltaf einhverjir tilbúnir að beita ofbeldi og verkefni löggæslu er að hefta það eftir bestu getu. Þó enginn hafi látið lífið í mótmælunum hér á landi er ljóst að þar stóð tæpt. Þegar fólk er farið að rífa upp gangstéttarsteina og kasta þeim til löggæslunnar, er stutt í stórslysin.

[Halldór Jónsson, 12.1.2021 kl. 15:47]

Var ekki kopmmúnistaþingmaðurinn Álfheiður Ingadóttir, Inga R. Helgasonar, með símann á eyranu inni í þingsalnum að hvetja liðið fyrir utan til áhlaupa? Hvað gerði Steingrímur Jóhann þá?

[Helga Kristjánsdóttir, 13.1.2021 kl. 02:45]

 Liklega ekkert,þvi hann var ekki orðinn þingforseti þá.