Veðurfréttir Grétu

Á bls. 20 í Mogga dagsins segir af veðri:

Nýliðinn júlí var fremur kaldur miðað við það sem algengast hefur verið á síðari árum, samkvæmt tíðarfarsyfirliti Veðurstofunnar. Árið í heild hefur til þessa verið kaldara en meðaltal síðustu 10 ára.

Engin hlýnun sem sagt. Borgaralegar útgáfur eru smátt og smátt að átta sig á að glópahlýnunin er mest glópska og svindl en minnst hlýnun, t.d. þýska útgáfan Die Welt.

Hvað gera glópar þá? Jú, bíða eftir nýju handriti, - eins og Gréta Thunberg.

 

Athugasemdir

[Hörður Þormar, 6.8.2020 kl. 18:06]

Hafi ég tekið rétt eftir, þá kom það fram í fréttum að á Svalbarða hafi mælst hæsta hitastig í hundrað ár. Og frá Síberíu er víst svipaða sögu að segja.

En kannski eru það bara falsfréttir og uppspuni frá þeim "þokkahjúum" Grétu Thunberg og Al Gore.

[Gunnar Heiðarsson, 6.8.2020 kl. 19:35]

Jú, jú, Hörður, fjölmiðlar eru duglegir við að fræða okkur um þá hitapolla sem myndast á jarðkringlunni. Minna fer fyrir fréttum af kuldum, þó af nægu sé að taka. Noregur, Alparnir, Ástralía og Sahara svo einhverjir staðir séu nefndir, þar sem kuldamet hafa fallið í sumar. Jafnvel þarf að fara 140 ár aftur í tímann til að fá samanburð sumra þeirra.

[Geir Ágústsson, 6.8.2020 kl. 21:32]

Það sem aldrei kemur fram í umfjöllun um veðurfar er orðið "skotvindar", en sem betur fer má bæta úr því með tilvísun í svolítið lesefni (auðlesið):

https://electroverse.net/the-changing-jet-stream-and-global-cooling/

[Ómar Ragnarsson, 6.8.2020 kl. 22:28]

"Engin hlýnun" sem sagt á því hlýindaskeiði sem verið hefur síðan um aldamót, af því að júlí síðastliðinn var einn af þremur svölustu júlímánuðunum á þessu skeiði, en mun hlýrri en var á síðustu öld.   

Það er þar að auki fáfengilegt að miða hlýnun eða kólnun hitafars á jörðinni út frá einstökum smáblettum eins og Íslandi, eða að kasta snjobolta inn á fund í Bandaríkjaþingi sem sönnunargagni um kólnun veðurfars á allri jörðinni í heild. 

Í öllum tölvulíkönum um hitafar á jörðinni næstu öldina, sem ég hef séð síðan 1996,  eru þrír kuldapollar og einn þeirra er fyrir suðvestan Ísland, en hlýnunarsvæðin eldrauðu eru yfir meginlöndunum og báðum heimskautasvæðununum.