Tilfallandi athugasemdir

Fimmtudagur, 6. ágúst 2020

Þróunarhjálp Samherja í Namibíu

Samherji bjó til verðmæti í Namibíu, störf og sjávarafurðir. Þetta má kalla þróunarhjálp en er auðvitað fyrst og fremst viðskipti.

Arðrán er pólitískt hugtak, ættað frá Karl Marx. Öll launavinna, þar sem einn selur vinnu sína en annar kaupir, er arðrán í ströngum marxískum skilningi. Allir launþegar eru þar með arðrændir, sem sýnir að hugtakið er merkingarleysa.

RÚV tók að sér að draga upp þá mynd af starfsemi Samherja í Namibíu að þar færi fram arðrán. Öll umfjöllun RÚV byggði á einni heimild sem, vægt til orða tekið, er ekki trúverðug.

Í Namibíu er spilling, um það er engum blöðum að fletta. En Samherji er hvorki upphafið né endirinn á þeirri spillingu. Saga Samherja í Namibíu er um viðskipti, sem urðu bitbein og súrnuðu.