Sósíalísk verkó

Efling sækir fyrirmynd til Venesúela, VR til gulvestunga í Frakklandi. ASÍ smitast af róttækni Eflingar og VR, enda annars hætta á að Sólveig Anna og Ragnar Þór taki höndum saman um hallarbyltingu.

Á hinn bóginn. Herskár sósíalismi ber dauðann í sér fyrir verkalýðshreyfinguna.

ASÍ náði völdum og áhrifum í samfélaginu á síðustu öld með samvinnu við hægrimiðjuna sem er ráðandi í íslensku samfélagi. Ef ASÍ segir sig frá þeirri samvinnu er úti um verkalýðshreyfinguna.

Útlenskir ismar ná aldrei árangri á Íslandi. Sögulega er isma-fólkið eins og Gísli á Uppsölum. Skrítið, sniðugt en ómarktækt. 

Risastór orð látin falla á föstudaginn

Athugasemdir

[Benedikt Halldórsson, 20.7.2020 kl. 08:35]

Tek undir það. 

Þröstur Ólafsson framkvæmdastjóri Dagsbrúnar (undanfari Eflingar) hjálpaði okkur löndunarköllum að landa samningi. Það gekk bara vel en í þá daga var Dagsbrún jarðbundið og raunsætt verkalýðsfélag. 

[Benedikt Halldórsson, 20.7.2020 kl. 10:06]

Núverandi forusta Verkó er skipuð fólki sem síar upplýsingar inn svo að barnalegi sósíalisminn sem þau varðveita í höfðinu sínu, verði ekki fyrir skaða.

Sólveig Anna tryllist alltaf þegar upplýsingar berast inn sem eru ekki eftir hennar höfði. 

Einn truflaðasti meðlimur reykvískrar borgarastéttar [Lára V. Júlíusdóttir] talar úr hliðarveruleika hinna auðugu. Ömurlegt þvaður í ruglaðri manneskju.

Lára V. Júlíusdóttir skrifaði bókina "Réttindi og skyldur á vinnumarkaði" sem ASÍ gaf út á sínum tíma og "nýtist öllum þeim sem fást við að túlka lög og kjarasamninga á vinnumarkaði".

Þegar að samningaborði kemur þurfa hausarnir í herberginu að meðtaka allan veruleikan og skilja engar upplýsingar útundan. 

Raunsæi og jarðtengin deiluaðila er forsenda fyrir samræðum. Eftir sem áður getur fólk verið á öndverðum meiði.  

[Benedikt Halldórsson, 20.7.2020 kl. 16:08]

Sólveig Anna og félagar vilja koma á efna­hags­legu lýðræði. Hvað er það?

En efnahagslegt lýðræði er í því fólgið, að hin starfandi þjóð á sjálf og ræður yfir öllum framleiðslutækjum samfélagsins og öðrum verðmætum, en ekki fámenn eignastétt. I þjóðfélagi sósíalismans verður afnuminn eignarréttur einstaklinga á stórum framleiðslutækjum, en í staðinn kemur sósíalískur eignarréttur.

Það er engin stuðningur við þann sósíalisma sem Sólveig Anna og félagar reyna að troða upp á þjóðina í gegnum verkalýðsfélög - nú síðast Flugfreyjufélagið. 

[Benedikt Halldórsson, 20.7.2020 kl. 16:48]

Viðar Þorsteinson er með þá grillu í höfðinu að allir eigi að hugsa eins og hann. Það er einmitt uppskriftin á ofsóknum á fólki sem hefur ekki sömu skoðun eða sömu heildarsýnina um byltinguna.

Við þurfum að öðlast lýðræðislegt vald yfir atvinnurekstri og auðlindum....að sameinast um nýja og róttæka heildarsýn á öll mál, á samfélagsgerðina í heild. Með hverju skrefi byltingarinnar opnast möguleikar fyrir nýja hugsun og nýjar hugmyndir....Látum það ekki verða eftirmæli minnar kynslóðar að hún hafi glutrað niður tækifærinu til varanlegrar byltingar á óréttlátu samfélagi...Byltingin heldur áfram!

[Kolbrún Hilmars, 20.7.2020 kl. 17:46]

Benedikt, veistu hvað felst í orðunum "Við þurfum"?  Hverjir eru "við"?

[Benedikt Halldórsson, 20.7.2020 kl. 18:35]

Kolbrún, góð spurning. Geri ráð fyrir að "við" eigi við um marxíska félaga sem hafa sömu heildarsýnina sem verður allra eftir byltinguna. Engin mun voga sér að hafa aðra hugsun.