Pólitíkin á hásléttu Ölmu

Alma landlæknir segir farsóttina ekki ná hápunkti heldur komist á hásléttu og verði þar um stund, reynsla erlendis segir okkur það. á hásléttu Ölmu ríkir samkomubann til 4. maí hið minnsta.

Þríeykið gaf út fyrir páska að samkomubanni verði aflétt í áföngum, líklega í öfugri röð. Framhaldsskólar voru fyrstir í bann og þeir fá síðast afléttingu. Góðu fréttirnar eru að fólk kemst fyrr í ræktina að taka af sér spik inniveru síðustu vikna.

Verulegir hagsmunir eru í húfi á hásléttunni. Þar takast á lýðheila annars vegar og hins vegar viðskiptahagsmunir, t.d. ferðaþjónustunnar.

Vígstaðan á hásléttunni er þannig að enginn ráðherra þorir fyrir sitt lita pólitíska líf að snúast gegn tillögum þríeykisins - hverjar sem þær annars verða.

 

Blaðamannafundur almannavarna

Athugasemdir

[Gunnar Rögnvaldsson, 10.4.2020 kl. 16:40]

Mér sýnist að ambátt þeirrar þjónustu sem færði okkur veiruna, þ.e. Þórdís Kolbrún ráðherra ferðaþjónustu xD-Air, og sem hafði mestar áhyggjur af því að ekki væri hægt að sturta nógu miklu af smituðum Kínverjum yfir þjóðina, heilum tveimur dögum dögum EFTIR að Trump setti landgöngubann á þá í Bandaríkjunum, sé strax tilbúin í annan snúning af faraldri. Hún talar þannig.

Það fer að líða að því að þjóðin verði rekin úr landi sínu og svo að "ferðaþjónustan" geti haldið áfram að steikja hamborgara, byggja tóm hótel og Reykjavíkurborg haldið áfram að hirða allt út úr bráðfyndnum platfélagsskap svo kallaðra "Faxaflóahafna".

Með þessari áframhaldandi útópíu xD mun höfuðhamborgarasvæðið fara síðast úr sóttkví.