Veiran, óvissan og þolinmæðin

Yfirvöld vita ekki hvenær C-19 farsóttin gengur yfir. Enginn veit það. Umræðan um að mynda hjarðónæmi er fræðileg fremur en að hún þjóni hagnýtum tilgangi.

Ef veiran lognast ekki útaf í vor, líkt og flensufaraldur, verður að taka nýjar ákvarðanir, sem bíða síns tíma. Ef bóluefni við veirunni kemur næsta haust verður strax bjartara yfir.

Þjóðin heldur þolinmæði sinni og sættist á óvissuna á meðan yfirvöld sýna trúnað og segja hlutina eins og þeir eru. Sem yfirvöld virðast hafa gert hingað til.

Misskilningur í gangi um hjarðónæmi

Athugasemdir

[Kolbrún Hilmars, 16.3.2020 kl. 15:20]

Hjarðónæmi - ekki hjarðofnæmi. Ónæmið í þeim skilningi fæst með fjöldabólusetningum - ekki fjöldasýkingum.

[Páll Vilhjálmsson, 16.3.2020 kl. 15:34]

Takk, Kolbrún, neyðarleg villa hjá mér. Ég leiðrétti.

[Ómar Geirsson, 16.3.2020 kl. 16:46]

Síðast þegar menn ætluðu að mynda hjarðónæmi með því að dreifa út drepsótt, þá var ábyrgðarmaðurinn tekinn og hengdur.

Ramla þann 1. júní 1962.

Ég skil ekki hvernig menn halda að fólk verði kátara í dag.

Kveðja að austan.

[Benedikt Halldórsson, 16.3.2020 kl. 17:28]

Það er gott að hlusta á Víði, Þórólfu og Ölmu. Svona var fólk hér áður fyrr.