Sósíalísk martröð á mánudegi

Allar tölur eru rauðar á hlutabréfamarkaði í morgunsárið. Óvenju margir selja hlutabréfin sín og veltutölur eru til muna hærri en á venjulegum mánudegi. Á gjaldeyrismarkaði hríðfellur krónan.

Þeir sem sýsla með peninga átta sig á að sósíalistarnir í Eflingu gefa tóninn í herskárri verkalýðsbaráttu þar sem markmiðið er að fleyja krónunni á verðbólgubálið.

Góðæri í áratug endar í sósíalískri óreiðu. Spikfeit alþýðan er á leið í venesúelska megrun. 

 

Mesta hækkun launavísitölu í 8 mánuði

Athugasemdir

[Benedikt Halldórsson, 24.2.2020 kl. 11:47]

Markmið klíkunnar sem yfirtók Eflingu eru verkföll, verkföll og enn fleiri verkföll. Sólveig Anna er alltaf reið en verkföll gleðja hana. Gunnar Smári klúðrar öllu sem hann tekur sér fyrir hendur en allt er það öðrum að kenna. 

[Benedikt Halldórsson, 24.2.2020 kl. 12:30]

Var sjálfur lengi í Dagsbrún (undanfari Eflingar) sem var jarðbundið verkalýðsfélag. Þröstur Ólafsson framkvæmdastjóri reyndist okkur löndunarköllum afar vel. Við vorum með há heildarlaun en engin gat lifað á grunnlaununum. En jafnvel þótt launin í löndun væru há fannst mörgum erfiðið ekki þess virði. Ef öll laun eru þau sömu, hver á þá að vinna erfiðistu skítverkin?