Gulli kann ekki að skammast sín

Gulli utanríkis flutti inn norskan ráðherra, sem hann lét messa yfir íslenskum þingmönnum um ágæti orkupakkans. Sami Gulli kemur fram í RÚV og segir andstæðinga orkupakkans hér á Fróni handbendi Norðmanna. 

Ine Marie Erik­sen Sørei­de, ut­an­rík­is­ráðherra Nor­egs, kom til Íslands í óopinbera heimsókn á vegum Gulla í ágúst í fyrra. Í frétt Morgunblaðsins kemur fram að alþingismenn hafi verið leiddir fyrir ráðherrann norska. Ennfremur segir:

Spurð hvort hún hafi rætt orkupakka sam­bands­ins og hvað fel­ist í því ef Íslend­ing­ar skyldu hafna til­skip­un­inni á fundi sín­um með ut­an­rík­is­ráðherra Íslands svar­ar Sørei­de því ját­andi.

„Ég ræddi þetta á fundi mín­um með Guðlaugi og á fundi með þing­mönn­um. Það er mik­il­vægt fyr­ir mig að koma því á fram­færi að norska Stórþingið hef­ur samþykkt þessa til­skip­un. Fyr­ir okk­ur er mik­il­vægt að til­skip­un­in sé tek­in upp í EES-samn­ing­inn, þar sem við nú þegar erum hluti af evr­ópsk­um orku­markaði. Það er ákveðin hætta fyr­ir okk­ur ef hún myndi ekki öðlast gildi,“ staðhæf­ir hún.

Gulli utanríkis flytur sem sagt inn í landið norskan ráðherra til að tala um fyrir alþingismönnum. Hann vogar sér síðan að ásaka andstæðinga orkupakkans að ganga erinda erlendra hagsmuna.

Það er leitun að ómerkilegri stjórnmálamanni en Gulla utanríkis.

 

 

Athugasemdir

[Ásgrímur Hartmannsson, 13.8.2019 kl. 09:26]

Ég get nefnt nafn fyrir þg: Vidkun Quisling.
Sama bullið: gaur sem kemur með eitthvað óvinsælt kjaftæði að utan, ber fyrir sig yfirþjóðlegt vald eða eitthvað svoleiðis.  Skilur ekki af hverju enginn er hrifinn af honum.

[Sigurður I B Guðmundsson, 13.8.2019 kl. 10:30]

Hver verður hagur minn sem Íslendingur þegar alþingismenn samþykkja O3? Af hverju er ekki hægt að fá svar við þeirri spurningu?

[Benedikt Halldórsson, 13.8.2019 kl. 11:44]

Gulli kannn ekki að skmmast sín af því að hann er engin hugsuður. RÚV flytur "frétt" um áhyggjur Gulla að andstæðinga orkupakkans séu ekki það sem hann ásakaði þá um að vera í vor - einangrunarsinna. 

[Óskar Kristinsson, 13.8.2019 kl. 12:39]

það er auðvitað með þvílíkum endemum að saman sé komið á alþingi Íslendinga svona margt óheiðarlegt og ómerkilegt fólk sem raun ber vitni.

Og allt þetta fólk sem samþikkir þessi landráð á alþingi sem er 3op verður að draga til ábyrgðar.

Og eftir á að koma í ljós hvort forseti vor vill verða í þessum hóp.

[Jón Valur Jensson, 13.8.2019 kl. 15:54]

Tek undir með ykkur öllum.

Af hverju kvartar Guðlaugur Þór ekki yfir afskiptum Evrópusambandsins af Íslandi? -- með orkupökkum sem koma okkur ekkert við og hafa bara leitt hér til aukins kostnaðar og stefna nú í að valda okkur gríðarlegu tjóni!

Og af hverju kvartar hann ekki yfir afskiptum ESB í formi áróðursherferða sendiherra þeirra fyrr og nú (Timos Summa fyrir nokkrum árum, þar til virtur embættismaður okkar stuggaði opinberlega við kvikindinu eftir áróðursherferðir þess um landið), já, af hverju kvartar Gulli ekki yfir afskiptum ESB-sendiherrans Michaels Mann nú, í fegrandi, einhliða gyllingargreinum hans um ESBéið (sem þó er í stöðnun og tómu tapi) í blöðum hér! Af hverju steinheldur Gulli kjafti yfir því -- hræddur við stórveldið, Brussel-embættismannaherinn, eða hefur hann þegið fríðindi, jafnvel mútur til að ljúga að Alþingi um þennan þriðja orkupakka? 

[Jón Valur Jensson, 13.8.2019 kl. 16:09]

Eins og Tómas Ingi Olrich, fyrrv. utanríkisráðherra og fyrrv. sendiherra Íslands í París, benti á í blaðagreinum í Morgunblaðinu, voru afskipti Timos Summa sendiherra frekleg brot gegn Vínarsáttmálanum um hlutleysisskyldur sendiráða gagnvart innanríkismálum gistilanda þeirra. Ekki leið á löngu þar til Summa þessum var skipt út fyrir nýjan sendiherra! En nú færir nýjasti sendiherrann, hr. Mann, sig upp á skaftið með hliðstæðum hætti! Sjá nánar þessa grein 1. þ.m. á Fullveldisvaktinni:

Sendiherra brýtur gegn skyldum sínum með áróðursgrein fyrir innlimun Íslands í stór­veldi sitt!