Þorsteinn: Ísland verði orkunýlenda ESB - jákvætt mál

Á eftir 3. orkupakkanum kemur sæstrengur til Evrópu, segir Þorsteinn Víglundsson þingmaður Viðreisnar, og það telur hann jákvætt:

Þorsteinn segir að sameiginlegur raforkumarkaður Evrópusambandsins hafi stuðlað að stórbættri orkunýtingu innan sambandsins...

Þorsteinn er ESB-sinni, telur að forræði í íslenskum málum sé betur komið í Brussel en Reykjavík. Afstaða þingmannsins er rökrétt út frá þeirri lífsskoðun sem hann fylgir.

En þjóðin vill ekki inn í Evrópusambandið og kaus sér þingmeirihluta í þeirri trú að ESB yrði ekki gert að æðsta yfirvaldi í íslenskum málum.

Illu heilli ætla Sjálfstæðisflokkur, Framsókn og Vinstri grænir að ganga fyrir björg og taka upp ESB-stefnu Viðreisnar og Samfylkingar.

Ef þriðji orkupakkinn verður samþykktur á alþingi yrðu það svik sem gleymast ekki.

 

Athugasemdir

[Benedikt Halldórsson, 7.4.2019 kl. 18:19]

Allar hugsjónir eru góðar féþúfur svikahrappa og hrekkjalóma. Fyrst höfða þeir til þess sem var okkur einu sinni svo mikils virði - fyrir tíma sýndarmennskunnar - en það var fyrir langalöngu. 

Það er alltaf hætta á einræði. Þegar börnum er kennt að ganga yfir götu er þeim kennt að líta bæði til hægri og vinstri. 

Margir vinstri róttækir sjá sig í anda sem "vitrir" einræðisherrar. Það eru líka efnileg eirnæðisherraefni sem auðguðust en langar að láta "gott" af sér leiða.  Það er bara tímaspursmál hvenær einhver forríkur sem langar að stjórna heiminum af "viti" lýgur sig til valda í gegnum elítuna í kokteilboðum, í nafni virtra stofnanna sem við treystum á. 

Allt sem getur farið úrskeiðis fer úrskeiðis...

Svakahrapparnir höfða til trúgirninnar. En þannig var að við treystum hvort öðru í sveitinni og þorpinu. Fólk var metið eftir vinnusemi, dugnaði, orðheldni og hjálpsemi. Ungt fólk eins og núna byggði skýjaborgir og loftkastala en það var ekki svo mikið tekið mark á orðagjálfri þess, verkin töluðu. Orðin voru ekki meitluð á legstein hvers og eins. En frá því að maðurinn lærði fleiri orð en Úhú og Búbú hefur tungumálið verið til skemmtunar og dægrastyttingar - meðal alþýðunnar að minnsta kosti. Enginn talaði af sér æruna, ekki frekar en hundur sem geltir af sér eða hestur sem hneggjar af sér.  

En eftir áratuga áróður og sýndarmennskuhreingerningu vinstri róttækra í háskólum og á fjölmiðlum er ekkert eftir af okkur nema orðin tóm - plús skinn bein og fita. Veggir loftkastalans eru áþreifanlegri en orð sem eru aðeins sögð til að bjarga eigin skinni með beinum og fitu. 

Þegar við hættum að segja hug okkar og erum ekki við sjálf, erum við auðveld bráð svikahrappa og hrekkjalóma sem þykjast vera bjargvættir mannkyns eða eitthvað í þá áttina. Eru bara alltof góðir með sig til að geta verið annað en lygamerðir og ógeð. Það sem þeir segja er of gott til að vera satt. Það er engin mannvera svo góð. Höfum við gleymt hvernig við vorum í raun og veru.

Það er engin "skoðun" eftir sem ekki hefur verið tekinn eignarnámi, sem "vond" eða "góð" eftir atvikum. Veldu skurð. Veldu skotgröf. 

Ef fólk eltir ekki gulrótina - fram af björgum ef því er að skipta - eða hefur tvær andstæðar skoðanir á sama tíma  - birtist illskan í öllu sínu veldi og rassskellir okkur svo um munar. Það verður sárt.  

Vonandi fer allt vel en látum þjóðina úrskurða til öryggis í öllum stórum málum. 

[Benedikt Halldórsson, 7.4.2019 kl. 18:23]

Átti að vera: Ef fólk eltir gulrótina...en ekki "Ef fólk eltir ekki gulrótina..."

[Benedikt Halldórsson, 7.4.2019 kl. 19:05]

Næsti "Hitler" verður "góður". Við munum ekki kynnast honum persónulega en í heimi þar sem fólk er dæmt af orðagjálfri sínu en ekki verkunum, mun nýi "Hitler" tala rétt mál. Sennilega verður hann alþjóðlegur globalisti, unnandi alls þess sem gerir hann trúverðugan og berst fyrir minnihlutahópa og þeirra sem minna mega sín. Og segist elska Imagine eftir John Lennon.