Femínistaríkið: ómenntaðir karlar, atvinnulausar konur

Femínistar koma í veg fyrir úrræði til að halda drengjum í skólum. Afleiðingin er yfirtala kvenna í háskólum, 57 konur á móti hverjum 43 körlum. Fyrrum yfirmaður breskrar skráningarstofu fyrir háskóla heldur þessu fram.

Hér á Íslandi er staðan þannig að tvöfalt fleiri konur en karlar ljúka háskólaprófi. Vanmenntun karla helst í hendur við atvinnuleysi háskólakvenna. Félag háskólamenntaðra, BHM, segir að í september sl. hafi 649 háskólakonur verið atvinnulausar en 477 háskólakarlar.

Laun háskólamenntaðra hafa fallið í samanburði við laun ómenntaðra. Slagorð BHM, ,,metum menntun til launa" er til marks um það.

Í nýja fagra femínistaríkinu eru á kreiki ferlar sem boða hvorki gott fyrir karla né konur.

 

Athugasemdir

[Ómar Ragnarsson, 17.11.2018 kl. 11:03]

Hverjir hafa yfirburði í setu í stjórnum og forstöðu fyrirtækja og stofnana á Íslandi: Svar: Karlar. 

Hvernig má það vera að það eitt að konur verða í meirihluta "á gólfinu", það er, í störfum sem krefjast háksólamenntunar, með því "verðfelli" þær störf? 

Það skyldi þó ekki vera það að þeir, sem raunverulega hafa völdin og ráða ferðinni eru að meirihluta karlar?