Jens til í Trump-Pútín fund

Nató er hlynnt fundi forseta Bandaríkjanna og Rússlands, segir aðalritari hernaðarbandalagsins, Jens Stoltenberg. Þetta er stefnubreyting. Tilvist Nató, sem er hernaðarbandalag úr kalda stríðinu, byggir á að gera sem mest úr hættunni af rússneskri hernaðarógn.

Trump hefur lýst yfir áhuga að hitta starfsbróðir sinn í Moskvu en herskáir frjálslyndir, bæði í Bandaríkjunum og Evrópu, lagst gegn þíðu í samskiptum stórveldanna.

Afstaða Stoltenberg er vísbending um að Nató vilji þóknast Trump, sem hefur verið allt annað en vinsamlegur gagnvart hernaðarbandalaginu og sagt það lifa sníkjulífi á hernaðarmætti Bandaríkjanna.

Athugasemdir

[Einar Sveinn Hálfdánarson, 21.6.2018 kl. 15:28]

Allir sem verið hafa í löndum Austur-Evrópu þekkja sífelld afskipti Rússa af innanlandsmálum víða þar. Sömuleiðis ógnina sem íbúarnir telja stafa af Rússlandi. Ekki eru orð Pútíns eða helstu hugmyndafræðinga hans til þess fallin að draga úr þessari tilfinningu íbúanna. Er þá vægt til orða tekið.

[Hörður Þormar, 21.6.2018 kl. 20:16]

Ef af fundi Trumps og Putins verður, þá má búast við því að Trump muni viðurkenna yfirráð Rússa yfir Krímskaga.