Málaferli RÚV

RÚV kaupir sig frá málaferlum með annarri hendinni en með hinni stefnir RÚV gagnrýnendum  fyrir dómstóla. Magnús Geir útvarpsstjóri gerir grein fyrir afstöðu stofnunarinnar til þess að kaupa sig frá málaferlum. En hann á eftir að útskýra hvers vegna RÚV á það til að stefna þeim sem gagnrýna stofnunina. 

Bloggari varð fyrir málssókn fréttamanns RÚV og skrifaði í framhaldi tölvupóst til Magnúsar Geirs þann 27.3. 2014. Svar hefur enn ekki borist. Tölvupósturinn er birtur hér að neðan.

 

Sæll Magnús Geir og til hamingju með stöðu útvarpsstjóra,

í haust stefndi fréttamaður RÚV, Anna Kristín Pálsdóttir, mér fyrir blogg sl. sumar þar sem ég gagnrýndi frétt sem Anna Kristín flutti 16. júlí sl. um ESB-mál.

Lögmaður Önnu Kristínar er Kristján Þorbergsson, sem lengi hefur starfað fyrir RÚV. Bæði sú staðreynd og ummæli sem Anna Kristín lét falla benda til þess að stefna hennar sé studd beint eða óbeint af RÚV, þ.e. að fyrrverandi útvarpsstjóri og/eða framkvæmdastjóri fréttadeildar hafi haft milligöngum um stefnuna.

Af því tilefni langar mig að spyrja þig að tvennu:

a) veist þú til þess að yfirmenn RÚV hafi með einhverjum hætti skuldbundið stofnunina til að styðja við málssókn fréttamanns RÚV, Önnu Kristínar Pálsdóttur, gegn undirrituðum?

b) telur þú eðlilegt að fréttamenn RÚV stefni einstaklingum út í bæ sem gagnrýna fréttaflutning RÚV?

Frávísunarkröfu minni var hafnað og málflutningur fer fram í næsta mánuði. Mér þætti vænt um að fá svar frá þér innan ekki of langs tíma.

Í viðhengi sendi ég þér greinargerðina sem ég sendi héraðsdómi og hér að neðan er hlekkur á blogg þar sem helstu efnisatriði koma fram.

bestu kveðjur
páll

http://pallvil.blog.is/blog/pall_vilhjalmsson/entry/1311043/

RÚV valdi milli slæmra valkosta

Athugasemdir

[Hrossabrestur, 12.5.2018 kl. 22:37]

Gott blogg hjá þér Páll sem endranær, Menn vonuðust til þess að RUV myndi skána þegar Magnús Geir tók við stjórn þar en því miður hann hefur tekið að allan vafa um það að hann er alger labbakútur hvorki fugl né fiskur.

kv. hrossabrestur.