Tyrkland eða Kúrdistan

Innrás Tyrkja í Sýrland er til að koma í veg fyrir að nýtt ríki Kúrda, Kúrdistan, verði myndað á suðurlandamærum Tyrklands. Kúrdar eru taldir um 30 til 35 milljónir, dreifðir um Tyrkland, Sýrland, Írak, Íran og Armeníu.

Að nafninu til eru Tyrkir bandamenn Bandaríkjanna, enda Nató-þjóð. En Bandaríkin hafa stutt hersveitir Kúrda til að ryðja úr vegi sveitum Ríkis íslam sem gerðu tilraun til að stofna íslamskt trúarríki í Sýrlandi og Írak.

Í seinni tíð halla Tyrkir sér að Rússum, sem eru bakhjarlar Assad Sýrlandsforseta. Tyrkjum er í mun að kæfa Kúrdistan í fæðingu. Ef það tekst eykst áhrifavald þeirra fyrir botni Miðjarðarhafs. En Erdogan Tyrklandsforseti nær ekki markmiði sínu nema með a.m.k. vinsamlegu hlutleysi annarra tveggja stórveldanna, Bandaríkjanna eða Rússlands.

Hersveitir Tyrkja ráðast inn í Sýrland

Athugasemdir

[Tómas Ibsen Halldórsson, 22.1.2018 kl. 14:03]

Kúrdar eru þjóð sem Tyrkir vilja ekkert með hafa og gera sitt til að eyða þeim, þeim finnst óþægilegt að hafa þá í nágreni við sig. Sameinuðu þjóðirnar aðhafast ekkert eða lítið til að annast hagsmuni Kúrda.

"Palestínumenn" eru EKKI þjóð og hafa aldrei verið. Tyrkir styðja "Palestínumenn" í þeirri viðleitni að þeir fái afmarkað landsvæði sem þeir geti kallað sitt og það jafnvel innan landamæra Ísraels. Sameinuðu þjóðirnar hafa tekið málstað "Palestínumanna" sem EKKI er þjóð upp á arma sína og verja þá á bak og fyrir gegn meintu ofbeldi Ísraelsmanna í þeirra garð.

Tvískinnungur Tyrkja og Sameinuðu þjóanna er alger.