Benedikt og biðsalur dauðans

Einn helsti talsmaður ESB-sinna á Íslandi, stofnandi og fráfarandi formaður Viðreisnar, Benedikt Jóhannesson, viðurkennir að EES-samningurinn sé biðsalur dauðans. Benedikt skrifar í blað Davíðs Oddssonar og endurbirtir á heimasíðu sinni:

EES var í upphafi hugsað sem biðstofa fyrir fulla aðild að Evrópusambandinu,

ESB-sinnar neita þráfaldlega fyrir það að EES-samningurinn sé biðsalur. Þeir sem þekkja verklag ESB vita að samningurinn er í reynd tímabundinn. Annað tveggja ganga þjóðir fyrir björg, afsala sér fullveldinu og taka áhættuna af grískum harmleik, eða þær þakka fyrir sig og segja upp EES-samningnum.

Hrakfallabálkar vinna oft þurftarverk í óförum sínum. Takk, Benedikt.

Athugasemdir

[Halldór Egill Guðnason, 22.1.2018 kl. 01:15]

 En Langhala-Jón,

sem lét eins og flón

þvældist um Evrópu fullur.

 Eru allir búnir að gleyma vísunni?

[Jón Steinar Ragnarsson, 22.1.2018 kl. 07:23]

Hér skrökvar Benedikt eins og honum er vísa. Aldrei var það kynnt né samþykkt að EES væri einhverskonar forleikur fyrir inngöngu í EES. Þetta bandalag var selt sem viðskipta og tollabandalag og ekkert annað á sínum tíma.

Það er reyndar fyrir löngu komið að því að kúpla sig út úr þessari samvinnu, þar sem allar upphaflegar forsendur eru brostnar.

[Gísli Gíslason, 25.1.2018 kl. 11:08]

"Biðsasalur dauðans" !! Mikið er þetta ósmekkleg grein að tala um ESB eins og dauða.   En það virðist vera að tilgangur helgi meðalið að rakka niður ESB.