Frekjurökin fyrir vaxtalækkun

Vextir eru ekki lífsgæði, búa ekki til nein verðmæti nema á pappírunum. Vextir eru verðlagning á lánsfé. Vextir eru ekki til að bæta eða skerða lífskjör heldur tryggja stöðugleika.

Einkenni stöðuleika er full atvinna, hagvöxtur og lítil verðbólga. Við búum við allt þrennt í dag.

Við næstu niðursveiflu, sem kemur eins og nótt fylgir degi, verðum við að hafa svigrún til að lækka vexti og hvetja til fjárfestinga. Ef við lækkum vexti núna skerðist svigrúmið.

Frekjurökin fyrir vaxtalækkun eru eftirfarandi: við viljum lægri vexti til að hafa meira á milli handanna, NÚNA. Ef við hlustum á frekjurökin verða lágvaxtapeningar settir í eignabólur fasteigna og verðbréfa. Eignabólur springa með leiðinlegum afleiðingum. 

Athugasemdir

[Ómar Ragnarsson, 8.5.2017 kl. 17:16]

Um þetta gildir svipað og um skattalækkanir, að þegar þensluástand ríkir, verða vaxtalækkun og skattalækkun til þess að auka þensluna. 

[Einar Sveinn Hálfdánarson, 8.5.2017 kl. 21:08]

Sæll

Við þetta má bæta tvennu. Lækkun vaxta lækkar ekkert endilega húsnæðisgreiðslur almennings. Eignir hækka þegar vextir lækka;það er lögmálið sem gjarna gleymist á Íslandi. Til skamms tíma og kannski enn voru húnæðisgreiðslur hér lægra hlutfall af ráðstöfunartekjum en víðast hvar.

Svo er hitt að stórfyrirtækin njóta lágu vaxtanna mest, en sparifjáreigendur blæða. Hverjir dru ákafastir í kreppuvaldinn, evruna? Það er ástæða fyrir því.