Röng spurning um Ísland

Kratarnir sem stýra Alþjóðamálastofnun HÍ spyrja rangrar spurningar. Spurningin er ekki ,,hvert stefnir Ísland?" heldur ,,hvað er Ísland?".

Krötum er skiljanlega illa við að að skilgreina Ísland. Kratar vildu halda Íslandi sem konungsríki Danakónga um miðja síðustu öld. Í upphafi 21stu aldar reyndu þeir að þröngva Íslandi inni í Evrópusambandið.

Í báðum tilfellum hafnaði þjóðin krötum.

En hvað er Ísland? Jú, stutta svarið er að íslenska þjóðin ákvað um miðja 19du öld að hún vildi búa í fullvalda þjóðríki. Það er hægt að setja ártal á þessa ákvörðun: 1848 þegar Jón Sigurðsson birti Hugvekju til Íslendinga.

Grein Jóns varð stefnuskrá þriggja kynslóða Íslendinga og var borin fram til sigurs 1. desember 1918 þegar landið varð fullvalda. Aldarfjórðungi síðar ákvað þjóðin að afþakka framhald á konungssambandi við Dani og stofnaði lýðveldi á afmælisdegi Jóns.

Fyrsti áfanginn í vegferð að fullveldi náðist 1904, með heimastjórn. Hinir tveir áfangarnir, sem nefndir eru hér að ofan, fengust í skugga tveggja heimsstríða. Styrjaldirnar skópu tækifæri sem Íslendingar nýttu sér. En það var ekki gert upp úr þurru eða í tómarúmi.

Sannfæringin um að Íslendingum farnaðist best sem herrar í eigin húsi stenst dóm sögunnar. Ísland býður þegnum sínum betri lífskjör en þekkjast víðast hvar í heiminum. Kratarnir eru þeir einu sem ekki skilja þessi sannindi. Endar eru þeir alltaf til í að selja Ísland hæstbjóðanda.

 

Hvert stefnir Ísland?

Athugasemdir

[Helga Kristjánsdóttir, 20.4.2017 kl. 00:54]

Stefnur í lýðræðisríkjum breytast við hver stjórnarskipti eins og tískan.Það er ekki um svo margt að velja nema kannski megindrættina,sítt eða stutt.

Þar með er samlíkingin næstum því öll,hún breytist jú en þú getur ekki tollað í henni svona fitubolla.

Er kenndin ekki sú sama og að geta ekki markað sína eigin í krafti sjálfstæðis síns og lifað samt af.

Þurfa norðurlönd "vinir okkar í nauð" að segja okkur hvernig skal bugta sig fyrir "almættinu" í svörtuloftunum útlensku? 

[Ómar Ragnarsson, 20.4.2017 kl. 01:24]

Enn og aftur er fullyrt að kratar hafi barist gegn því að Ísland yrði lýðveldi.

En Alþingi lýsti einróma yfir því 16. maí 1941 að sambandssáttmálinn við Danmörku yrði ekki endurnýjaður og að lýðveldi yrði stofnað. 

[Wilhelm Emilsson, 20.4.2017 kl. 03:07]

Ef Alþingi var einróma, eins og Ómar bendir á, stenst það sem síðuhafi skrifar ekki:"Kratar vildu halda Íslandi sem konungsríki Danakónga um miðja síðustu öld."

[Ómar Ragnarsson, 20.4.2017 kl. 14:03]

Um miðja síðustu öld var Ísland reyndar orðið lýðveldi og þjóðin hafnaði krötum ekki meira en svo að þeir voru með rúmlega sjöttung atkvæða í kosningunum 1946, 1949 og 1953 og sátu í ríkisstjórn 1944-1949.