Skrílræði góða fólksins

Skrílræði nútímans gengur út á að virkja frumstæðar kenndir fólks til að kýla á ákvörðun sem ekki væri tekin af yfirlögðu ráði. Kenndirnar eru virkjaðar í samfélagsmiðlum og fá þar útrás.

Hvatirnar sem gera fólk að skríl eru í grunninn sjálfselskar. Fólk leitar að sjálfsupphafningu á kostnað útvalins skotmarks. Í umræðunni um albönsku flóttamennina kemur þetta eigingjarna eðli skrílsins skýrt fram.

Eggert Skúlason skrifar leiðara sem byrjar á fyrstu persónu eintölu: ,,Flesta daga er ég sáttur við að vera Íslendingur. Svo koma dagar þar sem ég er stoltur af því. En í gær, 10. desember, skammaðist ég mín..." Frey Bjarnason byrjar líka á sjálfum sér: ,,Ég þykist oft vera grjótharður..."

Eggert og Freyr krefjast þess að samfélagið taki breytingum út frá persónulegum hvötum þeirra sjálfra. Þeirra vanlíðan skal vera mælikvarði á opinbera stefnu. Eggert og Freyr leysa úr læðingi eigingjarnar frumhvatir til að vera með í bylgju á fjölmiðlum og samfélagsmiðlum sem á að breyta opinberri stefnu í málefnum flóttamanna.

Skrílræði er andstæða ígrundunar og yfirvegunar. Samfélag skrílræðis er uppskrift að óeiningu og sundurlyndi.

 

Um 5.500 krefjast afsagnar

Athugasemdir

[Þorgeir Ragnarsson, 11.12.2015 kl. 10:22]

Vel mælt.

[Predikarinn - Cacoethes scribendi , 11.12.2015 kl. 11:31]

Heyr heyr kæri Páll.

[Ómar Ragnarsson, 11.12.2015 kl. 13:19]

Hafi miskunnsami Samverjinn verið til var hann þá bara að upphefja sjálfan sig og setja fordæmi um skrílræði? 

[Predikarinn - Cacoethes scribendi , 11.12.2015 kl. 15:50]

Omar

Hvernig í ósköpunum færðu þessa niðurstöðu ??

Samverjinn gerði allt án nokkurrar kvaðar, greiddi leigu og uummmönnunarkostnað fram í tímann fyrir gyðinginn og vænti engrar upphafningar né auglýsti hann góðmennsku sína á götuhornum eins og „góða fólkið“ gerir nánast undantekningarlaust.

[Ómar Ragnarsson, 11.12.2015 kl. 16:02]

Það er ekki hægt að krefjast þess að leðarahöfundum blaða að þeir megi ekki tjá skoðanir sínar né ljá þeim málum stuðning, sem þeim finnst mikilsverð.

[Elle_, 11.12.2015 kl. 18:30]

Verð að taka undir með Prédikara.  Það stoppar enginn miskunnsömu samverjana í að hjálpa litla stráknum.  Við erum bara ekki með botnlausan ríkissjóð fyrir heiminn og Landspítalinn fær ekki fjármagn sem læknar þar segja að hann vanti.   

[Elle_, 11.12.2015 kl. 19:03]

Fær litli strákurinn ekki læknishjálp þaðan sem hann kom?  Það eru læknar og spítalar þaðan sem faðirinn kom með litla strákinn og þar er ekki stríð.