Hitlers-orðræða í ESB-ríkjum

Orðalagið sem notað er um að gera Evrópu örugga gegn flóði flóttamanna er ,,Festung Europa". ,,Við verðum að byggja Festung Europa," segir innanríkisráðherra Austurríkis.

,,Festung Europa" - Evrópska vígið - var orðalag nasista í seinna stríði um varnir Vestur-Evrópu, sem þá var undir Hitler, gegn innrás Bandamanna frá Bretlandi.

Evrópska vígið féll á einum degi, D-daginn 6. júní 1944, með innrásinni í Normandí. Hvort austurríska innanríkisráðherranum er ljóst hve varnir samlanda hennar voru lélegar fyrir sjötíu árum er ekki aðalatriði málsins.

Hitlerísk orðræða evrópskra stjórnmálamanna um flóttamannaástandið sýnir hve örvæntingin í ESB-ríkjunum er orðin mikil. Eftir samfellda kreppu vegna evrunnar í sjö ár, sem vel að merkja er hvergi nærri leyst, er kominn vandi sem lamar innviði einstakra ESB-ríkja ásamt því að rífa í sundur kjarnasamstarf ESB um opin landamæri.

Evrópskur almenningur kann stjórnmálamönnum sínum litlar þakkir fyrir að álpast út í ESB-samstarf sem er jafn vanhugsað og raun ber vitni. Almenningur styður til valda harða menn sem taka afgerandi ákvarðanir. Fyrsti sigurinn i pólitík er alltaf orðræðan. Og sá sigur er kominn í hús.

Vaxandi áhyggjur af Schengen

Athugasemdir

[Ragnhildur Kolka, 29.10.2015 kl. 10:41]

Það stendur Austurríkismönnum nærri að minna a að innrás múslima í Evrópu var eitt sinn hrundið af þeim. Staðan nú er hinsvegar alvarlegri, því nú flæmast farvegir innrásarinnar um alla álfuna. En einhverstaðar verður viðnámið að byrja.

[Jón Bjarni, 29.10.2015 kl. 16:22]

Samfellda kreppu? Er kreppa í allri Evrópu Páll - ekki í Írlandi http://www.theguardian.com/world/2015/sep/10/ireland-economy-surges-with-gdp-growth-forecast-at-6

Viltu fleiri dæmi?