Borgarstjórn er skemmda eplið í stjórnmálamenningunni

Meirihluti borgarstjórnar Reykjavíkur lítur á pólitík sem tækifæri til að þröngva sértrúarsjónarmiðum upp á almenning. Meirihlutinn lítur ekki á sig sem þjónandi yfirvald heldur handhafa sannleikans.

Á tímum Jóns Gnarr var sértrúarhyggjan falin undir kímni en birtist okkur núna grímulaus.

Gyðingahatrið í tillögu um viðskiptabann á Ísrael var til umræðu í borgarkerfinu í eitt ár, segir Björk Vilhelmsdóttir.

Dagur B. Eggertsson borgarstjóri vill fá okkur til að trúa því að tillagan hafi verið vanhugsuð kveðjugjöf til Bjarkar.

Tillaga löðrandi í gyðingahatri var sem sagt að velkjast í borgarkerfinu í eitt ár án þess að nokkur lét svo lítið að benda á að hugarfarið að baki væri ekki beinlínis viðfelldið, svo vægt sé til orða tekið.

Skemmda eplið í stjórnmálamenningunni mun halda áfram að eyðileggja út frá sér.

Hvorki vanhugsað né mannréttindamál

Athugasemdir

[Jón Steinar Ragnarsson, 21.9.2015 kl. 23:30]

Er ekki allur hinn örsmai vinstrivængur að ögra voldugri þjöðum og bandamönnum þeirra með allskyns tilgangslausum bagatellum?

http://www.mbl.is/frettir/innlent/2015/09/21/vilja_ad_vorur_fra_hernumdu_svaedunum_verdi_merktar/

[Jón Steinar Ragnarsson, 21.9.2015 kl. 23:36]

Þetta er fólkið sem talar svo fjálglega á tyllidögum um að halda okkur utan stríðsátaka en hefur samþykkt allan yfirgang nató í miðausturlöndum og leggur svo krók á sig til að fara í efnahagsstríð við auðugustu þjóðir heims og þar af leiðandi að ögna öryggi og efnahag hér heima.

Galskapurinn og tvískinnungurinn er himinhrópandi.

Hvað varð um allt yfirlýsta hlutleysið?