Fjármálaráðherra vissi ekki að ríkið ætti banka

Um Samfylkinguna er sagt að þangað safnist fólkið með minnsta fjármálavitið. Katrín Júlíusdóttir fyrrverandi fjármálaráðherra og þingmaður Samfylkingar staðfestir orðsporið af fjármálaólæsi krata.

Katrín sté í pontu á alþingi og spurð með þjósti hvenær íslenska ríkið hafi átt Arion banka og Íslandsbanka. Henni var bent á ríkisreikning 2008 þar sem stendur svart á hvítu að ríkið leysti bankana til sín.

Í stað þess að viðurkenna fjármálaóvitaskapinn segir Katrín fyrrum fjármálaráðherra fúsk að ríkið hafi átt bankana.

Ríkið átti alla þrjá bankana; Landsbankann, Íslandsbanka og Arion árið 2009 þegar ríkisstjórn Jóhönnu Sig. tók völdin á Íslandi. Í lok kjörtímabilsins átti ríkið aðeins einn banka, Landsbankann.

Hvað varð um hina tvo? Hverjir fengu þá banka á hvaða verði? Hvers vegna voru þeir ekki seldir í opnu ferli?

 

Athugasemdir

[Jón Bjarni, 30.1.2015 kl. 23:32]

Páll, ríkið átti aldrei kröfur kröfuhafa bankanna - aldrei nokkurn tíma, það er ótækt að saka aðra um ólæsi þegar menn eru varla læsir sjálfir

http://kjarninn.is/thegar-steypa-er-motud-sem-stadreynd

[Páll Vilhjálmsson, 31.1.2015 kl. 09:45]

Jón, íslenska ríkið stofnaði nýju bankana. Kröfuhafar áttu ekki þessa banka heldur kröfur í þrotabú gömlu bankanna. Núna á íslenska ríkið einn banka, Landsbanka, en hinir tveir voru færðir einhverjum óskyldum aðilum.

Spurt er undir hvaða formerkjum það var gert og hvort rétt hafi verið staðið að málum. Miðað við viðbrögð vinstrimanna er málið giska viðkvæmt.

[Jón Bjarni, 31.1.2015 kl. 12:59]

Það skiptir engu máli undir hvaða formerkjum það var gert - ríkið átti aldrei þær kröfur sem hafa skapað tekjur nýju bankanna þó að ríkið hafi á einhverjum tímapunkti átt eignalausa banka.. Það var engu stolið af neinum - nema auðvitað af kröfuhöfum bankanna með neyðarlögunum. Þarna voru eignir færðir á milli kennitala en voru alltaf í eigu sömu aðila í raun. 

[Páll Vilhjálmsson, 31.1.2015 kl. 16:11]

Nei, Jón, þrír bankar voru stofnaðir af ríkinu. Aðeins einn er eftir i eigu ríkisins. Hvernig hinir tveir fóru úr eigu ríkisins þarf að útskýra.