Konur mennta sig: nám gjaldfellt á vinnumarkaði

Aðalfréttin úr könnun VR er ekki að karlar fái frekar síma hjá vinnuveitanda sínum en konur heldur hitt að menntun er komin í kerfisbundna gjaldfellingu. Í frétt í pappírsútgáfu Morgunblaðsins segir

Hins vegar benda niðurstöður launakannana VR undanfarin ár til þess að nám skili minni hækkun í launaumslagið í dag en það gerði fyrir fimm árum, að teknu tilliti til annarra þátta sem hafa áhrif á launin.

Konur eru fleiri en karlar í háskólanámi, í nær öllum deildum. og hafa verið í nokkur ár. Afleiðingin er gjaldfelling á menntun.

Þegar konur komust í meirihluta kennara í grunn- og framhaldsskólum, fyrir nokkrum áratugum, fór kennarastarfið í kerfisbundna gjaldfellingu. Núna er komið að háskólamenntun almennt; konur verða meirihluti háskólamanna og þar með lækkar gildi menntunar í launaumslaginu. 

Karlar með meiri hlunnindi en konur

Athugasemdir

[Ómar Ragnarsson, 25.9.2014 kl. 09:46]

Í kjölfar pistils um að feminismi sé til óþurftar kemur enn ein umfjöllunin um það að konur "gjaldfelli" störf og nám.

Mér sýnist hins vegar að þessi svonefnda "gjaldfelling" sé merki um rangsnúinn hugsunarhátt sem sýni fulla þörf á baráttu fyrir jafnrétti í orði og verki.

[Elfar Aðalsteinn Ingvarsson (IP-tala skráð) 25.9.2014 kl. 09:50]

Það er eðlilegt að menntun verði minna virði þegar mun fleiri eru komnir með hana. Framboð og eftirspurn eru þeir þættir sem ráða launum mest, sem er ástæðan fyrir því lærðir iðnaðarmenn fá svipuð eða hærri laun og háskólamenntað fólk þrátt fyrir nám sem er 4. árum styttra.

[Ragnhildur Kolka, 25.9.2014 kl. 09:52]

Mikið til í þessu. En það eru ekki bara kennarar, læknar og viðskiptafræðingar eru að finna fyrir því og trúlega kemur fljótlega að prestum.

[Predikarinn - Cacoethes scribendi , 25.9.2014 kl. 13:04]

Kæri Páll.

Það er komið á daginn samkvæmt þessari köönnun, að þú hafðir hárrétt fyrir þér í fyrri skrifum þínum um þetta mál !