Vinstrimaður á ráðuneytisvef kl. 05:39 og samsærið

Lekamálið er pólitískt mál þar sem ríkissaksóknari, skipaður af vinstristjórninni eftir framlag sitt í þágu landsdómsmálsins gegn Geir H. Haarde, saksækir aðstoðarmann innanríkisráðherra á grundvelli meints leka úr ráðuneytinu til tveggja fjölmiðla, Morgunblaðsins og Fréttablaðsins.

Vinstrimenn í fjölmiðlum og Samfylkingu og Vg eru iðnir við kolann að halda þeirri samsæriskenningu á lofti að hægrimenn í innanríkisráðuneytinu hafi með lekanum viljað koma höggi á hælisleitendur, - sem allir sjá að er býsna langsótt rugl. Einn hælisleitandi er núll og nix í umræðunni.

DV, sem starfar með vinstrimönnum í þessu máli, fékk einnig lekaupplýsingar úr innanríkisráðuneytinu og notaði þær til að vinnna í þágu málsaðila, lögmanns hælisleitanda. 

Nú er upplýst að einhver fór inn á drif ráðuneytisins kl. 05:39 aðfaranótt 20. nóvember. Óhugsandi er að það hafi verið ákærði, Gísli Freyr, enda var hann hvorki í ráðuneytinu né hafði hann aðgang að tölvukerfi ráðuneytisins heiman frá sér.

Jón Bjarki Magnússon blaðamaður DV hefur viðurkennt í yfirheyrslum að eiga sér heimildamann innan innanríkisráðuneytisins.

Líklegast er að heimildamaður Jóns Bjarka sé vinstrimaður, ráðinn til innanríkisráðuneytisins í tíð vinstristjórnarinnar, og að viðkomandi vinstrimaður starfi sem moldvarpa í þágu vinstrimeirihlutans sem almenningur flæmdi frá völdum vorið 2013. 

Vinstrimenn fást oft við skapandi skrif og eitt sérkenni á þeim upplýsingum sem láku úr ráðneytinu er að einhver föndraði við þær, breytti textanum. 

Moldvörpur, eins og alþjóð veit, vinna verk sín helst á nóttinni. 

Skjalið opnað undir morgun

Athugasemdir

[Elle_, 17.9.2014 kl. 12:38]

Vinstrimanninum Ögmundi Jónassyni var hótað 2011 meðan hann var dómsmála/innanríkisráðherra, og lífverðir fylgdu honum.  Það var ráðist að heimili hans og grjóthnullungum var kastað í hús hans og rúður. 

[Ragnar Þórisson, 17.9.2014 kl. 13:05]

Vinstri og hægri sem hugtök í pólitík eru ofeinföldun á flóknara máli sem hefur mun fleiri hliðar. Yfirleitt er þetta notað af fólki sér til einföldunar sem hefur ekki nægan skilning á pólitík.

Þú notar orðið "vinstri" 9 (níu) sinnum í þessu bloggi og hægri einu sinni - tíu (10) sinnum í allt.

[Heimir Lárusson Fjeldsted, 17.9.2014 kl. 13:10]

Mörður Árnason virðist vera innundir hjá lekandanum.

[Elle_, 17.9.2014 kl. 14:02]

Það er orðið hættulegt og ógnandi á Íslandi að vera innanríkisráðherra.  Við getum líka skoðað lygar og róg Jóns hins siðvillta gegn Birni Bjarnasyni fyrrverandi dómsmálaráðherra, ekki var Jón sá vinstri neitt.  Það er almennt vitað að brotamenn ráðast að dómurum, lögreglu og saksóknurum.  Það er ekki síst þessvegna sem á að taka fjölmiðla af þessum óforskammaða manni.

[Helga Kristjánsdóttir, 17.9.2014 kl. 14:19]

Jamm Heimir,þetta er geigvænlegt og strútur við stýrið.

[Ómar Bjarki Kristjánsson, 17.9.2014 kl. 14:36]

Hvernig passar Morgunblaðið inní þessa kenningu?

Morgunblaðið hafði þetta líka.

Það athyglisverða er að Moggi sagði bara si sona frá þessu, líkt og í framhjáhlaupi þegar verið væri að segja almennar fréttir.

Þ.e.a.s., að í sjálfu sér hefði Mogga, þessum ráðsetta miðli, þótt aðþykja það skrítið að vera að vitna í minniblað úr ráðuneytinu.

En nei nei. Mogga líkt og þótti það alveg sjálfsagt.

[Jóhannes Ragnarsson, 17.9.2014 kl. 14:54]

Mér skilst nú reyndar að fréttinn af óþverranum í innanríkisráðuneytinu hafi verið komin í prentun þegar einhver átti við opna drifið hennar Hönnu Birnu klukkan 05:39.

[Ragnhildur Kolka, 17.9.2014 kl. 17:59]

Að síðasta heimsókn hafi verið klukkan 05:39 merkir aðeins að það er síðasta heimsókn, ekki að það hafi ekki verið aðrar heimsóknir þar á undan. Vissulega hefði þurft að rekja þá IP tölu en að það var ekki gert bendir til að áherslan hafi verið á sakfellingu en ekki gætt að hugsanlegu sakleysi mannsins.

[Ómar Bjarki Kristjánsson, 17.9.2014 kl. 18:13]

Eg verð að segja, að eg feila alveg að sjá hvað sé endilega svo krúsíalt við það þó ríkismaður fari kl. 05:39 inná eitthvert lágadrif. Þeir geta nú verið árrisulir ríkisstarfsmennirnir. Það er eins og verið sé að halda fram að ekki sé hægt að vkana klukkan hálf sex - nema að hafa eitthvað gruggugt í huga og þá sérstaklega eitthvað vinstri-gruggugt.