Sjálfstæðisflokkurinn er aulinn í sauðagærunni

Hann hefnir sín sauðsháttur forystu Sjálfstæðisflokksins, að koma til móts við flokkslegu ESB-örverpin með því að hætta við afturköllun ESB-umsóknar annars vegar og hins vegar leiða ESB-sinna til forystu í höfuðborginni.

Í stað þess að standa í ístaðinu og bera fram þá stefnu sem flokkurinn var kjörinn til að framfylgja fyrir ári er stöðugur afsláttur gefinn óbilgjörnu minnipokafólki sem getur ekki einu sinni að safnað undirskriftum án þess að svindla. 

Sjálfstæðisflokkurinn fær sína verstu kosningu í höfuðborginni í manna minnum vegna þess að fólk treystir ekki aulum í sauðagæru. 

Samfylking stærst í borginni

Athugasemdir

[Jón Valur Jensson, 12.5.2014 kl. 11:36]

Rétt hjá þér, Páll, aularnir í forystu flokksins eru komnir langleiðina með að eyðileggja flokkinn, með illfyrirgefanlegum svikum sínum í Icesave-málinu, aulahætti í borgarstjórn með heigulslegri linkind í flugvallarmálinu, fráleitu samstöðuleysi með því að setja ESB-mann á oddinn í borgarstjórnarkosningum og með ófyrirgefanlegum svikum sínum í ESB-málinu; þó geta þeir enn lagað þetta síðasta og fengið sína fyrirgefningu, en ekki fyrr en þeir sýna lit. Bláan, takk fyrir!

Margir telja mig lengst úti á hægri kanti (ranglega, því að hvorki er ég öfga-frjálshyggjumaður né í samstöðu með stórauðvaldi gegn alþýðu) og gott ef ekki karlrembu og andstæðing kvenréttinda, en í síðustu kosningum neyddist ég til að kjósa Regnbogann, með vinstri menn í forystu, og í þessum kosningum sýnist mér einboðið að ég verði að kjósa kvennalista Framsóknarflokksins -- þó ekki án þess að strika út þá efstu, af því að hún talaði linlega í ESB-málinu í Vikulokunum nýlega.

[Jón Valur Jensson, 12.5.2014 kl. 11:41]

En þetta ætlaði ég reyndar að hafa með, sem engu síður mikilvægt:

Nógu illa var það ráðið hjá þeim í Valhöll að eyðileggja flokkinn, en hitt þó stórum verra að þeir ætla að spilla fyrir okkur Reykjavík, gera hana að 3. flokks bæjarfélagi í höndum skrípamenna, og það sem verst er: að eyðileggja Reykjavíkurflugvöll.

Síðasta útspil ríkisstjórnarinnar í síðastnefnda málinu er að setja lögbann á framkvæmdir á ríkislandinu, Vatnsmýri og nágrenni.

[Helga Kristjánsdóttir, 12.5.2014 kl. 11:41]

Þótt ætlaði að leggja tölvuna á hilluna,get ég ekki annað en tekið undir með þér af heilum hug. Það er bara enginn töggur í liðinu lengur og ég minnist lesturs lokaritgerðar til meistaraprófs sonar míns í mannauðsfræðum; "Leiðtogi í góðæri,skúrkur í kreppu” ,sem er rýnd.

[Wilhelm Emilsson, 12.5.2014 kl. 18:15]

Fyrr í þessum mánuði skrifaði Páll:

"Þegar Benedikt og Sveinn Andri eru búnir að hirða samfylkingarfólkið í nýjan Samfylkingarflokk hægrimanna er búið að grisja Sjálfstæðisflokknum gott rými til að verða aftur stórveldi íslenskra."

Nú virðist vera komið annað hljóð í strokkinn.

[Wilhelm Emilsson, 12.5.2014 kl. 18:19]

"íslenskra stjórnmála" átti þetta að vera.

[Helga Kristjánsdóttir, 12.5.2014 kl. 18:35]

Þegar,? Það hefur ekki enn gerst Wilheim.

[Helga Kristjánsdóttir, 12.5.2014 kl. 18:38]

Okkur hlýtur að vera niðri fyrir,því bæði þurfum að leiðrétta,ég geri það vegna nafns þíns,sem er ekki rétt skrifað en átti að vera það; Wilhelm.

[Wilhelm Emilsson, 12.5.2014 kl. 19:18]

Takk, Helga.