Hratt hrun betra en hægfara stórslys

Ísland tók hrunið út hratt og örugglega með gjaldþrotum banka og skuldsettra fyrirtækja. Til muna er farsælla að klára hrun hratt og ákveðið fremur en að lengja í hengingarólinni.

Evrópskir bankar fóru ekki í gjaldþrot og þess vegna eru lánabækur þeirra sneisafullar af ónýtum lánum sem aftur koma í veg fyrir ný lán og það veldur samdrætti í efnahagsstarfsseminni.

Seinna á árinu fara evrópskir bankar í álagspróf. Á meðan er hagkerfið í kreppu og atvinnuleysi á evru-svæðinu er yfir 12 prósent að meðaltali. Íslensk fyrirtæki mala eigendum sínum og starfsmönnum hagnað og hækkandi laun. 

Til að taka út kreppu hratt og skilvirkt þarf eigin gjaldmiðil og sjálfstæða efnahagspólitík. Ísland býr að hvorutveggja en ekki  evru-löndin 18. Þeirra efnahagskerfi er hægfara stórslys.

Hagnaður fyrirtækja aldrei meiri

Athugasemdir

[Wilhelm Emilsson, 21.4.2014 kl. 23:15]

Ó þetta var indælt hrun!

[Helga Kristjánsdóttir, 22.4.2014 kl. 01:08]

Ódæla Evran veldur atvinnuleysi, en krónan knýr áfram hagsæld fyrir land og lýð.

Þannig hljóða sannleiksorð annars í páskum.