Ríkisstjórnin og ASÍ í samstarf, beggja hagur

Ein og sér mun ríkisstjórnin ekki ná árangri til lengri tíma. ASÍ er hrópandi í eyðimörkinni og skortir tiltrú, bæði vegna ESB-trúboðsins og hlutverks lífeyrissjóðanna í útrás. Bandalag við ASÍ á réttum forsendum er þess vegna skynsamlegt fyrir ríkisstjórnina.

Til að réttlæta tilvist sína gagnvart félagsmönnum þarf ASÍ að komast að ákvörðunum ríkisvaldsins. Með því að bjóða upp á samstarf um meginlínur í efnahagsmálum, þ.m.t. hvernig nýta skuli fjármuni sem myndast við uppgjör föllnu bankanna, sýnir ríkisstjórnin ASÍ traust og fær á móti stuðning við efnahagsstefnu sem gæti enst í fleiri en eitt kjörtímabil.

Skammtímasamningar verða gerðir á vinnumarkaðnum í haust og vetur. Þennan tíma ætti ríkisstjórnin að nýta til að komast að samkomulagi við ASÍ um lengri tíma áætlun fyrir efnahagsbúskap þjóðarinnar.

Vantar trúverðuga efnahagsstefnu