Valdleysi Jóns Ásgeirs afhjúpað á einni helgi

Um tíma var Jón Ásgeir Jóhannesson þáverandi Baugsstjóri með heilu og hálfu stjórnmálaflokkana í vasanum, Samfylkingin og VG, og ríkisvaldið í heild sinni í bóndabeygju, samanber stríðið um fjölmiðlalögin 2004.

Stjórnmálamenn, með fáum heiðarlegur undantekningum, sátu og stóðu eins og Jón Ásgeir bauð enda óttuðust þeir fjölmiðlaveldi hans. Embættismenn sáu í gegnum fingur sér og Baugstjórinn fékk í friði að reka banka og fákeppnisverslanir með alkunnum árangri. 

Eftir hrun hélt ríkisstjórn vinstriflokkanna hlífiskildi yfir Jóni Ásgeir og ríkisbankinn Landsbanki lánaði nægt fé til að hann héldi fjölmiðlasamsteypu sinni.

En á einni helgi afhjúpast valdleysi Jóns Ásgeirs. Á laugardag í Fréttablaðinu sífraði ritstjóri Jóns Ásgeirs um að erlendar efnisveitur græfu undan áskriftarsjónvarpi 365-miðla. Á sunnudag tilkynnti menntamálaráðherra að RÚV yrði sigað á auglýsingatekjur 365-miðla.

Ekkert heyrist frá Samfylkingu og VG. Vinstriflokkarnir telja sér ekki lengur hag í að berjast fyrir hagsmunum Jóns Ásgeirs Jóhannessonar. Enginn óttast lengur Jón Ásgeir og um leið fækkar pólitískum vinum hans.

Athugasemdir

[Heimir Lárusson Fjeldsted, 29.10.2013 kl. 08:21]

Nú eru hvorki Jóhanna né Steingrímur til staðar og veldi götustráksins er verulega valt.