RÚV hælbítur forseta Íslands

Í frétt af auðgunarbroti 58 ára karlmanns gerir RÚV forseta Íslands nánast að vitorðsmanni með eftirfarandi fréttatexta

Samkvæmt heimildum Fréttastofu þurfti hann ekki að sitja af sér þann dóm að hluta eða öllu leyti því forseti Íslands náðaði hann. 

Látið er að því liggja að Ólafur Ragnar Grímsson nánast upp á einsdæmi náði brotamann til að hann geti haldið áfram iðju sinni við að hafa fé af fólki.

Björn Bjarnason fyrrverandi dómsmálaráðherra útskýrir hvernig náðun brotamanna fer fram. Forseti Íslands er bundinn niðurstöðu náðunarnefndar og tekur ekki efnislega afstöðu til þess hverjir eru náðaðir og hverjir ekki.

RÚV sætir lagi að koma höggi á forseta Íslands með lúalegum hætti.

Ákærður fyrir stórfelld fjársvik

Athugasemdir

[Ómar Ragnarsson, 5.9.2013 kl. 11:45]

Þess má geta að ævinlega er sagt í fréttum: Forseti íslands sæmdi í dag xx manns hinni íslensku Fálkaorðu. Samt er það sérstök Orðunefnd sem velur þá, sem orðuna hljóta. Á þá RUV að breyta sínum texta hvað varðar þetta?

[Halldór Halldórsson, 5.9.2013 kl. 12:07]

Ómar Ragnarsson! Mér finnst alveg sjálfsagt að í slíkum fréttum verði þess ávallt getið að forsetinn geri þetta að tillögu nefnda og nafngreina alla nefndarmenn. Jafnframt vildi ég gjarnan fá að sjá hvaða einstaklingar það voru sem mæltu með hverju erindi fyrir nefndunum. T.d. vildi ég gjarnan sjá þau fífl hengd út til þerris sem mæltu með náðun Sigurðar Kárasonar á sínum tíma!

[Ragnhildur Kolka, 5.9.2013 kl. 17:07]

Það er ekki Síður áhugavert að þessi náðunarnefnd kemur saman einu sinni i mánuði. Hreinsa þeir út jafnóðum og mokað er inn?

[Eysteinn Pétursson, 5.9.2013 kl. 23:03]

Hverjur voru í nefndinni, sem "náðuðu" Árna Johnsen um árið. Eða þurfti þá enga nefnd. Var forsetinn þá "ábyrgur"?

[Jóhann Halldórsson, 6.9.2013 kl. 21:16]

Árni Johnsen var ekkert "náðaður", hann afplánaði sinn dóm eins og allir aðrir, sem hjóta slíka dóma.