Árni Páll tapar fyrir Ólafi F.

Tilraunir Samfylkingar-Eyjunnar og Karls Th. Birgissonar til að rétta hlut Árna Páls Árnasonar formanns Samfylkingar á kostnað Jóhönnu Sigurðardóttur fóru fyrir lítið.  Umfjöllun um Ólaf F. Magnússon var senuþjófur. Jafnvel vinir Samfylkingar á RÚV-Sjónvarpi gerðu Ólaf F. að fyrstu frétt kvöldsins en minntust ekki á uppgjörið í Samfylkingunni.

Samfylkingar-Eyjan birti í gær raðfréttir um grein Karls Th. í málgagni Samfylkingar. Fyrsta frétt birtist á tíunda tímanum og viðbótarumfjöllun kom jafnt og þétt yfir daginn með dramatískum fyrirsögnum eins og ,,Bomba".

Nú er svo illa komið fyrir 12,9 prósent flokknum og formanni hans að ekki einu sinni ,,bombur"  kveikja áhuga.