Fréttabörnin í vasa Jóns Ólafssonar

Jón Ólafsson veit að á sumrin fyllast ritstjórnir blaða af unglingum sem skrifa fréttir í þágu þeirra sem veita þær. Jón notar fréttabörnin til að fægja ímyndina og plantar fréttum yfir sumartímann til að sýna hversu geysilega snjall kaupsýslumaður hann er.

Í júní fyrir tveim árum fékk Jón frétt birta um að suður- afrísk viðskiptasamsteypa væri orðinn hluthafi í vatnsfyrirtæki Jóns. Nokkrum vikum áður var sagt frá að amerísk stórveldi, J.P. Morgan og Anheuser Bush, væru nýir hluthafar í félagi Jón.

Í ár liggur ný heimsálfa fyrir fótum Jóns Ólafssonar, það er Suður- Ameríka, að sögn sumarsnillinganna á ritstjórnum fjölmiðlanna.

Á næsta ári munu fréttabörnin segja okkur frá stórfelldum útflutningi Jóns á ísmolum til Suðurskautslandsins.

Hefja sölu á íslensku vatni í Perú