Þjóðaratkvæðagreiðslan 27. apríl gildir í 4 ár

Þjóðin greiddi atkvæði í þingkosningunum 27. apríl. Ýmis stór mál voru undir, þar á meðal afstaðan til ESB-aðildar. Eini flokkurinn sem vill í Evrópusambandið, Samfylkingin, fékk 12,9 prósent fylgi. Þar með er ESB-umsóknin dauð þetta kjörtímabil.

Stjórnarflokkarnir báðir, Framsóknarflokkur og Sjálfstæðisflokkur, eru báðir með á stefnuskrá sinni að hag Íslands er betur borgið utan ESB en innan. Til ítrekunar segja báðir flokkar að ekki komi til greina að Ísland fari í aðlögunarferli inn í Evrópusambandið án undangenginnar þjóðaratkvæðagreiðslu.

Sigurður Ingi Jóhannsson sjávarútvegs- og landbúnaðarráðherra dregur rökrétt ályktun af stefnu ríkisstjórnarflokkanna: forsenda fyrir því að farið verði í þjóðaratkvæðagreiðslu á þessu kjörtímabili um ESB-umsókn er að annar hvor flokkurinn eða báðir breyti stefnu sinni til aðildar að ESB.

Þjóðaratkvæðagreiðslan frá 27. apríl í vor gildir út kjörtímabilið. Um það ættu ekki að vera nein áhöld.

Þjóðaratkvæði um ESB ekki á dagskrá

Athugasemdir

[Sleggjan og Hvellurinn, 6.6.2013 kl. 13:57]

http://jaisland.is/umraedan/ny-konnun-61-vill-klara-adildarvidraedur-vid-esb/#.UbCVKOdWxBE

[drilli, 6.6.2013 kl. 14:59]

ORÐ SKULU STANDA.

Þeir heimtuðu þjóðaratkvæði um framhald viðræðna af fráfarandi ríkisstjórn, lofuðu því sama í kosningabaráttunni en þykir víst sjálfsagt að svíkja það nú eftir kosningar. Og fleiri eru sama sinnis sýnist mér á þessari síðu.

Það er ómerkilegt svo ekki sé meira sagt.

[rhansen, 6.6.2013 kl. 15:40]

Og forsetinn setti punktinn yfir iið við setningu Alþingis i dag ...allta rettur maður á rettum stað ....

[drilli, 6.6.2013 kl. 16:02]

Forsetinn hefur aldrei hætt í pólitík, hann vill geta bæði étið kökuna og geymt hana.

[Elle_, 6.6.2013 kl. 18:13]

Drilli, hvaða orð skulu standa?  Lastu ekki kolrangt í orðin?

[Helga Kristjánsdóttir, 6.6.2013 kl. 18:29]

Ríkisstjórnarflokkarnir lofuðu ekki þjóðaratkvæði um framhald aðlögunarferlisins. En ferlið verður ekki sett af stað,nema að undangenginni þj´oðaratkvæðagreiðslu. Þetta er sú stefna sem kosin var. Bindandi.