Verslunin er verðbólguvaldur

Hagnaðartölur stóru matvörurisanna sýna svart á hvítu að verslunin skilar ekki gengishagnaði sem með réttu ætti að fara til neytenda. Undanfarna mánuði hefur gengi krónunnar styrkst jafnt og þétt án þess að verslunin lækki vöruverð.

Um leið og gengið lækkar hækkar verslunin óðara vöruverðið sem aftur leiðir til verðbólgu og vaxtahækkana. Verslunin er sjálfstæður verðbólguvaldur, eins og forseti ASÍ bendir á.

Í skýrslu Rannsóknaseturs verslunarinnar er svikamyllan staðfest: ,,Stofnunin segir, að niðurstöðurnar staðfesti þannig þær fullyrðingar, sem oft sé varpað fram, að viðbrögð fyrirtækja séu ólík eftir því hvort gengi styrkist eða veikist."

Stóru matvörurisarnir hafa forgöngu um svindlið á neytendum. Það hlýtur að vera verkefni að brjóta upp fákeppnisfyrirkomulag matvöruverslunarinnar.

 

Hátt verðlag kalli á launahækkanir