Össur í Kína, Árni Páll í Brussel

Tveir formenn Samfylkingar, annar fyrrverandi og hinn núverandi, eru með gagnólíka sýn á því hvar Ísland á heima í samfélagi þjóðanna. Össur Skarphéðinsson utanríkisráðherra býr til nýja utanríkisstefnu um að Ísland verði útvörður Kína á norðurslóðum.

Össuri finnst allt í lagi að kommúnistastjórnin í Kína fótum troði mannréttindi, - svo lengi sem eitthvað er hægt að græða á Kínaverslun. ASÍ er ekki sammála.

Árni Páll, á hinn bóginn, telur einboðið að Ísland eig að sækja sínar bjargir til Evrópusambandsins. Nýjasta loforðið er að við fáum samning á næsta ári, - fyrir fjórum árum áttum við að fá samning í síðasta lagi árið 2012. Stefáni Ólafssyni er ekki skemmt og finnst Árni Páll eyðileggja flokkinn.

Einhver velviljaður ætti að hnippa í formennina tvo að segja þeim að kosningarnar þann 27. apríl fara fram á Íslandi, en hvorki í Kína né Belgíu. Á meðan Samfylkingin talar ýmist um Kína eða ESB eru flest önnur stjórnmálaöfl með hugann við hagsmuni íslensku þjóðarinnar.

Össur: Ísland fær forskot á Kínamarkað

Athugasemdir

[Tómas Ibsen Halldórsson, 15.4.2013 kl. 15:20]

Hið undarlega við þessa för fyrrum formanna Samfylkingarinnar til Kína, þ.e. þeirra Jóhönnu Sigurðardóttur og Össurar Skarphéðinssonar, gerandi viðskiptasamning við Kína, á sama tíma og þau leggja ofurkapp á að innlima Ísland inn í ESB, mætti halda að þau viti ekki að um leið og Ísland er orðið hluti af ESB er samningur við Kína fallinn um sjálfan sig.  Það er nefnilega ESB veldið í Brussel sem sér um alla samningagerð fyrir aðildarríkin við þau ríki sem ekki tilheyra sambandinu.  Ísland mun ekki hafa neitt um það að segja við hverja samið verður, allir áður gerðir samningar munu falla dauðir niður.

[Jón Valur Jensson, 15.4.2013 kl. 15:54]

Laukrétt hjá Tómasi félaga mínum.

ESB-innlimunarstefna Össurar er í þversögn við fríverzlunarsamning við Kína, sem inntakan í Evrópusambandið myndi strax gera að engu.

En nú er Árni Páll trúlega að sækja sér línuna til Brussel. Ég meina þetta í fullri alvöru. Þangað hefur Össur sótt sér sína línu, þótt hann reyni nýtt trikk núna, kosningabeitu eða kannski hálfgerða smjörklípu, sem þó getur verið afdrifarík. Umfram allt er gott fyrir kjósendur að mati Samfylkingar, að menn taki eftir einhverju öðru hjá henni þessar síðustu vikur heldur en einungis ESB-áráttunni (sem Katrín Júl. er hins vegar "stuck" í ).

Að sækja sér línu til stórveldis eru ekki innantóm orð né athæfi sem unnið til hátíðabrigða eða til að sverja hollustueiða eingöngu. Það er einnig að fá þá lymskuráðgjöf frá stórveldinu, sem Össur hefur trúlega haft á bak við sig í flestum sínum uppákomum, að mínu mati.

Og bullandi njósnir fara hér vitaskuld fram, m.a. með því að Brusselmenn fá þýdd skrif um Evrópusambandið í ísl. blöðum og á vefnum, til þess síðan að geta hagað sinni strategíu og ráðherraráðgjöf eftir því. Hlerun síma o.fl. þ.h. gleymist örugglega ekki heldur. Evrópusambandið ætlar sér Ísland og fjárfestir nú þegar í því á fullu.

[Birgir Örn Guðjónsson, 15.4.2013 kl. 20:16]

Rétt Tómas.

En...við erum ekkert á leið inní ESB.

Sennilega er Árni Páll þarna úti að afsaka það.

[Jón Valur Jensson, 16.4.2013 kl. 00:25]

Það þarf ekki að senda flokksforingja til að afsaka neitt.

Vertu ekki svona barnalegur, Birgir.